Monthly Archives: Январь 2015

Сан алуан сауалмен

«Біздің ауыл» партиялық жобасы аясында құрамында бірқатар жергілікті атқарушы және өкілетті органдардың өкілдері бар «Нұр Отан» партиясы Ақмола облыстық филиалының қоғамдық қабылдау бөлімі Көкшетау қаласының іргесіндегі Краснояр селосында болып, азаматтарды жеке мәселелері бойынша қабылдады.

Екі мәрте Кеңес Одағының Батыры, авиация генерал-майоры Талғат Бигелдинов

Ұлы Отан соғысындағы Жеңістің 70 жылдығы қарсаңында «Нұр Отан» партиясы «Ардагерлерді ардақтайық» жобасының аясында Қазақстаннан шыққан 531 Кеңес Одағының Батыры мен 124 «Даңқ» орденінің толық иегері туралы мәліметтерді жинақтап, түгендеу жұмысын жүзеге асырды. Осыған байланысты «Нұр Отан» партиясы Ақмола облыстық филиалының бастамасымен бүгіннен бастап газет оқырмандарын киелі Қараөткел, көрікті Көкше өңірлерінен қан майданда ерлік пен батылдықтың өшпес үлгісін көрсеткен  52 Кеңес Одағының  Батыры мен 11 «Даңқ» орденінің толық иегерінің қысқаша өмір және  жауынгерлік жолымен таныстыра бастауды  жөн көріп отырмыз. Осы орайда, ұрпақтан-ұрпаққа өнеге болар ерлік  шежіресі туралы алғашқы сөз Ақмола топырағынан түлеп ұшқан әйгілі ұшқыш Талғат Бигелдинов жайында болмақшы.

Ынсаптың пайдасы

Медет – бір үйдің жалғыз баласы. Жалғыз болғандықтан ата-анасына еркелеп, қағу көрмей, бұла болып өсті. Үй ішінің күнделікті тіршіліктегі азын-аулақ шаруасына араласа бермейтін еріншек еді.  Әке-шешесі оны барынша еркелететін, тіпті күн сайын мектепке барарда тәтті алып жеуге ақша да беріп отырды.

Боз даланың бозторғайы

Әдебиет сүйетін, өлең оқитын қауым Нұрмияш Көбеновтың есімін ұмытпаса керек. Заманында бір қолымен ақық дән аялап, бір қолымен жыр жазған Нұрмияш өзінің нұрлы, шуақты өлеңдерімен оқырманның көңілін баурағандығы анық.

Ұшақпен жеткізілген ұлағат

Биыл Кеңес Одағының Батыры, академик, жазушы, филология ғылымдарының докторы, қоғам қайраткері, Көкше топырағының төл перзенті Мәлік Ғабдуллиннің туғанына 100 жыл толмақшы. Заманында Мәлік ағаның мұраларын тірнектеп жинап, жарқыратып көрсеткен жанашыр жанның бірі ол кісінің келіні, Мәлік Ғабдуллин музейінің бұрынғы басшысы Мәриям Кенжеахмет еді. Жуырда осы кісімен сұхбаттасудың сәті түсті.

Сол баяғы заң бұзушылық…

Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Ақмола облысы бойынша департаменті басшысының орынбасары, Тәртіптік кеңес төрағасы Қуаныш Жапақовтың төрағалығымен Тәртіптік кеңестің кезекті отырысы болып өтті.

Қарттар үйі қасіретіміз

Заман жаңарып, санамызға жаһандану термині сіңе түскен сайын мың өліп, мың тірілген жансебіл ұлтымызды да сан қилы жағдаяттар кесе-көлденеңдей түсуде. Осы жолда арымыз таразы-талқы, намысымыз жалқы болып, ұлтымыздың бет-бейнесін сақтай аламыз ба? Өкінішіміз өтіп, ұлттық өрлеуге келіп саятын жақсы күніміз жетіп, біз де түптің түбі қазақи қалпымызды айнытпай, ғасырлар бойы қалыптасып, дамыған салт-дәстүріміз, діл мен тіліміздің бекемдігімен іргелі ұлттар қатарынан көріне аламыз ба? Осының бәрі ел болып, әрқайсымыз болып, мықтап ден қоятын қоғамның  күретамыр мәселелері.  Осы аттас жаңа айдар сол жәйттерді тағы бір есімізге салып, бүгінгі кембағал тұстарымызға бойлата, осыдан жол табу парқы жайында ойланта түссе дейміз.

Ақпарат кеңістігі: алдағы жұмыс

Бұдан бұрын хабарлағанымыздай, облыс әкімінің орынбасары Нұрлан Нұркеновтің төрағалығымен өткізілген  Ақмола облыстық әкімдігінің жанындағы бұқаралық ақпарат құралдары жөніндегі қоғамдық кеңестің  отырысында  журналистер көкейінде  жүрген бірқатар өзекті мәселелер қаралып, талқыланды.

Қоғамдық өмірде белсенді, жеке кәсібінде жігерлі

Шағын және орта бизнестің кез-келген ел экономикасының күретамыры, халықты жұмыспен қамтудың басты тетігі екендігі белгілі. Мемлекетімізде осы бизнесті өркендетуге жасалып отырған жағдайдың  өңірдегі кәсіпкерліктің қанат жаюына да ықпал етіп отырған жайы бар. Оны біз бизнеске келген жастар санының да күн санап артуынан көре аламыз. Солардың бірі – жеке кәсіпкер,   «Нұр Отан» партиясы Ақмола облыстық филиалы Саяси кеңесінің мүшесі, Еңбекшілдер аудандық мәслихатының депутаты Абылай Бабақов. Бірнеше жыл қатарынан аймақтық деңгейде «Жылдың үздік кәсіпкері» атанған ол біздің басылымға берген сұхбатында қоғамдық қызметі, партия алдындағы жауапкершілік пен замандастарын толғандырған негізгі мәселелер жайлы ой қозғайды.

Астананың іргесі – дамудың жақсы мүмкіндігі

Қоян өсірумен айналысатын «Астана МИАКРО»  жауапкершілігі шектеулі серіктестігі 2012 жылы құрылған болатын. Алғашында Ресейдің Новосібір қаласынан және Оңтүстік Қазақстан облысынан 70 аналық және 10 аталық қоян сатып әкелінген екен. Целиноград ауданына жұмыс сапарында облыс әкімі Сергей Кулагин алдымен, Қабанбай селолық округіне қарайтын осы серіктестікте болып, асыл тұқымды қоян етін өндірудің жай-жапсарымен танысты. 

Ақмола облысы соғыс және еңбек, қарулы күштер ардагерлері Кеңесінің тұрғындарға «Жеңіс қорына» қаражат жинау жөніндегі Үндеуі

Құрметті жерлестер!
2015 жылдың 9 мамырында 1941-1945 жылдардағы Ұлы Отан соғысындағы Жеңіске 70 жыл толғалы отыр.

Шет елдердегі ғалымдарымыз елге жұмысқа тартылуда

Қазақстан Республикасы-ның Мемлекеттік хатшысы Г.Әбдіқалықованың төрайымдылық етуімен шет елдердегі қазақстандық танымал ғалымдарды елге тарту және олардың  жұмысының тиімділігін арттыру, ғалымдарымыздың сырт жерлерге кетіп қалу қаупін жою мақсатында тиісті жағдай туғызу мәселелеріне арналған кеңес болып өтті.

Бұлыңғыр өмір елесі-ай…

Күн бүгін ашық болғанымен оның бойын таңертеңнен ашу кернеп тұр. Далаға шығып, басқалар сияқты өздігінен қыдырып, достарымен жүздескісі, жұмыс істегісі келеді. Бірақ, үйден асып, өз бетімен ешқайда шыға алар емес. «Менің маңдайыма жазылғаны осы ма?» деген ауыр ой жанын ауыртады.

Мәнсіз мәтін, әрсіз ән

немесе тақырып таңдай білмеу – таяздықтан

Облыстық «Арқа ажары» газетінің үстіміздегі жылғы 22 қаңтар күнгі №9 санында журналист Қайырбай Төреғожаның «Ойтүрткі» айдарымен «Үш жағдай» деп аталатын материалы жарияланды. Иісі қазақтың рухани әлеміндегі қисынға келмейтін, қисынға келмегені былай тұрсын, жөн-жосығы жоқ жағдаяттарды жазған екен. Жай ғана жалаң пікір, нысанасыз сын емес, шағын ғана мақалада оралымды ой діттеген жеріне жетіп-ақ жатыр.

Қазақ хандығына арналды

Көкшетау қаласындағы Әдебиет және өнер музейінде Қазақ хандығының 550 жылдығына орай көрме ұйымдас-тырылды.

Қазақ хандығының 550 жылдығына орай ұйымдастырылған көрмеде аталмыш музейдің директоры Нұрбек Нұралин көрменің басты мақсатына тоқталып, оның мәні мен маңызы жайлы кеңінен әңгімелеп берді.