Category Archives: Білім көкжиегі

«Үздік ұстаз» байқауында жеңіске жетті

Қазақстан Педагогикалық Ғылымдар Академиясы кезекті VII республикалық тәуелсіз қоғамдық «Үздік ұстаз» байқауын өткізді.

Спорт мектебінің мерейлі сәті

Өткен сенбіде Шортанды кентіндегі Балалар және жасөспірімдер спорт мектебінің ашылғанына 50 жыл толуына орай мерекелік іс-шаралар өтті. Оған спорттың күштік түрлерінен 4 мәрте әлем чемпионы жерлесіміз Сергей Цырульников, Қазақстан Республикасының рекордшысы, қолмен шегені ұстап кеудені жерден көтеруден еліміздің рекордтар кітабына енген Тимур Спатаев, киокушинкай-кан каратэден республикалық федерацияның вице-президенті Әлімжан Молдағалиев, джиу-джитсудан әлем чемпионы 12 жасар Әмір Махмет келіп қатысты.

Мұғалім мәртебесі биіктейді деген сенімдеміз

Қазақстан Республикасының Президенті Нұрсұлтан Әбішұлы Назарбаев «Қазақстандықтардың әл-ауқатының өсуі: табыс пен тұрмыс сапасын арттыру» атты Қазақстан халқына Жолдауында халық табысының өсуі, тұрмыс сапасын арттыру, өмір сүруге жайлы орта қалыптастыру, азаматтар сұранысына бейімделген мемлекеттік аппарат, тиімді сыртқы саясат, әрбір қазақстандықтың еліміздегі өзгерістер үдерістеріне атсалысуы сияқты стратегиялық маңызды мәселелер анықталып және оларды шешудің нақтылы жолдары мен міндеттері белгіленді.

Ұлағатты ұстаз

EPSON MFP image

Бөгенбай батыр атындағы қазақ орта мектебінің қазақ тілі мен әдебиеті пәнінің мұғалімі Нұрмұханов Бекай Жаббарұлы 1975 жылы Ақмола облысы Ерейментау ауданы Ажы ауылында дүниеге келген. Білімі жоғары, 1996 жылы Ақмола қаласындағы С.Сейфуллин атындағы Ақмола университетін қазақ тілі мен қазақ әдебиеті пәнінің мұғалімі мамандығы бойынша аяқтаған.

Мұғалім көшбасшы болуға тиіс

Көкшетау қаласындағы Ш.Уәлиханов атындағы орталық көшенің бойы қашанда ығы-жығы. Жаяу жүргінші де, жүк тиеген автокөлік те мол. Жұмыс күні болатын. Түс әлпетінде тіршілік қамымен осы көшенің бойындағы құрылыс заттарын сататын дүкеннің алдында тізгін тартқанбыз. Бір топ қыз-келіншек көше бойын сыпырып, тазалап жатыр екен. Арасында көзтаныстар да бар. Орталықтағы №1 орта мектептің мұғалімдері.

Бала тәрбиесі – отбасылық құндылық

Бала тәрбиесі тек отбасылық құндылық қана емес, Отандық құндылық. Ал, Отан отбасынан басталады. Отансүйгіш ұрпақ тәрбиелеу – әр ата-ананың қасиетті борышы. Әр ата-ананың ұлт алдындағы, ұрпақ алдындағы ең басты міндеті – бала өсіру, бала тәрбиелеу. Қазақ даласының ұлы ғұламасы әл-Фараби «тәрбиесіз берілген білім – адамзаттың қас жауы» деген еді.

Өз балаңа өзің үлгі бол

Қыркүйек, қазан айларында Целиноград ауданындағы Қоянды орта мектебінде «ХХІ ғасырдағы қазақстандық ата-аналар: өз балаңа үлгі бол» тақырыбында 1-11 сынып оқушыларының ата-аналары арасында психологтардың ұйымдастыруымен республикалық конференция болып өтті.

Әсерлі кездесу жастар үшін нағыз патриоттық тәрбие болды

«Өткенді танып-білмей, болашақ жоқ». Қанатты сөзге айналған осы бір тәмсілдің растығын Абай Мырзахметов атындағы Көкшетау университетінің патриоттық тәрбие мектебінің мүшелері Ақмола облысының еңбек ардагерлері және құрметті азаматтарымен жуырда өткен кездесуде бүкіл жан дүниелерінен өткізгендей болды.

Жемқорлықтан ада қоғам құрамыз десек…

Елбасы Н.Назарбаевтың «Қазақстандықтардың әл-ауқатының өсуі: табыс пен тұрмыс сапасын арттыру» атты халқымызға арнаған биылғы Жолдауындағы белгіленген міндеттердің бірінде «Сыбайлас жемқорлықпен белсенді күрес жалғасатын болады» деп нақты айтылған. Болашақ бүгіннен басталады. Олай болса, заманымыздың ертеңі – жас ұрпақты білімді, саналы етіп тәрбиелеумен қатар, қазіргі қоғам дерті – жемқорлық пен сыбайластықтан сақтанса бүгінгі билік басында отырғандардың басты назарындағы міндеттердің бірі болуы тиіс.

Ұлағатты ұстаз

Ұстаз – болашақтың іргетасын қалайды. Себебі, адамның ғұмыр жолы білімге негізделген. Өмірдегі барша мамандықтардың ішінде жан-жақты білімділікті, икемділікті, шеберлікті, жомарттықты, мейірімділікті қажет ететін мамандық болса, ол – ұстаздық. Ал, біздің Секең ұстаздардың ұстазы десек артық айтқандық емес.

Латын әліпбиіне көшу – өркениетке ұмтылу

Еліміз үшін рухани құбылысқа айналған бұл мәселе төңірегінде бұқаралық ақпарат құралдарында түрлі ұсыныстар мен пәрменді пікірлер жиі жарияланып жүр. Осы орайда, тіл маманы ретінде айтарым, қазақ тілінің латын әліпбиіне көшуі тіліміздің әрі қарай жаңғыруына жақсы ықпал етері сөзсіз.

«Біз – қуаныштымыз!»

Егіндікөл ауданының ең шалғай елді мекендерінің бірі Қоржынкөл ауылындағы Днепропетров орта мектебінде Ақмарал Сахьяның еңбек етіп жүргеніне биыл үшінші жыл.

Мектептердегі тілдер онкүндігі

Тілдер онкүндігі ауданның барлық мектептерінде болып өтті. Оны мектеп директорлары мен қазақ тілі және әдебиеті пәні мұғалімдері ашып, оқушыларды, мұғалімдерді және ата-аналарды дәстүрлі тіл мерекесімен құттықтады. Жылда 22 қыркүйек күні атап өтілетін Тілдер мерекесі биыл 5 қыркүйекке ауыстырылып, ұлт көсемі, Алаш қайраткері, ана тіліміздің асқан жанашыры Ахмет Байтұрсынұлының туғанына 145 жыл толуымен тұспа-тұс келді. Осыған орай, оқушылар өздерінің туған тілге деген жүрекжарды лебіздерін өлең жолдарымен, нақыл сөздермен және қарасөзбен жеткізе білді.

Мен үшін орындары ерекше

Жүректе жатталып қалған өлеңде «ұстазым, менің ұстазым, өзіңмен өткен қыс-жазым…» деп шырқалатындай, әр адамның көптеген ұстаздары бар, бірақ олардың бәрі жадыңда сақталмайды, тек қана саған ерекше еңбегі сіңгендерін ғана жылы лебізбен еске алып жүресің.

Еңбек жолын ауыл мектебінен бастады

Еуразия Ұлттық университетінің ақпараттық технология факультетінің түлегі Нүркен Сұлтан, Бекетов атындағы Қарағанды университетін бастауыш