Category Archives: Қоғам

Былғары қолғап – серігі

баспасөз және спорт ардагері Қалымбек Мұхамеджанов туралы бір үзік сыр

Журналистика мен спорттың тізгінін қатар ұстаған бұл азаматты сонау өткен ғасырдағы сексенінші жылдардың басында облыстық телерадио хабарларын тарату комитетінде бірге қызмет еткеннен бері білемін.

Екеуіміз демалыс күндері радиорепортаждар жасап, одан журналистиканың әліпбиін үйренгенмін. Аузын ашса, жүрегі көрінетін Қалекең көпшіл болды. Көмек сұрап келген адамдардың бетін қайтармайтын. Ол 1955 жылы бұрынғы Көкшетау облысы Айыртау ауданының Сарыбұлақ ауылындағы педагогтар отбасында дүниеге келген. Ауылдағы бастауыш мектепті бітіргеннен кейін 1966 жылы облыс орталығындағы №3 қазақ пансион-мектеп интернатында оқуын жалғастырды. Пансионда өңірдің түкпір-түкпіріндегі ауылдардан келген қазақ балалары оқыды. Сол жылдары осы мектептің оқушылары жаппай бокс секциясына қатысып, чемпион болуды армандамайтын. Мақсаттары бокстың қыр-сырын үйреніп, қаланың тентек балаларынан қорғану болатын. Қалекең өз сыныптастары Ерғали Ескендіров, Амантай Бекенов, Мұрат Оспанов, Жұмаш Сағынаевпен бірге бокс секциясына барды. Ол кезде қазіргі замандағыдай зәулім спорт залдар жоқ. Антисанитарлық жертөледе құм салынған қаппен және жыртық былғары қолғаппен жаттығуға тура келді. Жаттықтырушысы 1-ші разрядты спортшы Амангелді Балтабаев техникум бітіріп, әскерде бокспен айналысқан көрінеді.
–Бапкер өз қаражаты есебінен спорттық киімдер сатып әперіп, жарыстарға да өз қаражатымен апаратын. 1969 жылы 35 келі салмақ дәрежесінде Көкшетау қаласының, кейін облыс чемпионы атандым. Ерғали Ескендіров те біраз жетістіктерге қол жеткізіп, облыс чемпионы болды. Амантай Бекенов шаңғы спортына ауысып кетті. Мектеп оқушылары арасындағы Қазақ КСР чемпионатында екінші, кейін үшінші орын алып, жасөспірімдер арасындағы 1 разрядқа қол жеткіздім. Қазақтың белгілі ақыны Қорғанбек Аманжолов мен сияқты өлең шығаруға қаламының желі бар жастардың ұстазы болды. Жазудың қыр-сырын үйретті. Өлеңдерім мен мақалаларымды газетке шығаратын,–дейді Қалымбек Мұхамеджанов.
Сөйтіп, 1972 жылы орта мектепті бітірген Қалекең әскери борышын өтеуге Украинаның Чернигов облысындағы танкішілерді дайындайтын әскери оқу орнына келеді. Әскерге жаңа келген азиялық және кавказдық сарбаздардың арасынан 1-ші разрядты боксшыларды жинап алып, спарринг өткізеді. Сарбаздардың бәрін жеңген Қалымбек Мұхамеджановты Киев әскери округінің спорт батальонына қабылдайды. Мұнда боксшыларды Михаил Левин жаттықтыратын. Жаттықтырушы оң қолымен жұдырықтасуға үйретіп, бокстың қыр-сырына баулиды. Киев әскери округінде Қалымбек Мұхамеджанов украиндық Владислав Засыпка, Анатолий Климанов сияқты Еуропаның чемпиондарымен бірге жаттығады. 1972 жылдың күзінде КСРО Қарулы Күштерінің кубогы Украинаның Ужгород қаласында сарапқа салынып, Киев әскери округінің командасы бірінші орыннан көрінеді. Осы жарыста Қалекең қола жүлдеге ие болып, КСРО спорт шеберлігіне үміткер атағының нормативін орындайды. Кейін Польша мен Румынияда өткен халықаралық жарыстарға қатысады. Днепропетровскіде өткен жарыста Қалымбек Мұхамеджанов бірінші орыннан көрінді.
Отан алдындағы борышын өтегеннен кейін Арқалық қаласында Қазақ КСР-іне еңбегі сіңген жаттықтырушы Серік Бошаевтың көмекшісі болып еңбек етеді. Сол кезде Қалекеңнің өлеңі мен мақаласы «Торғай таңы» газетінде жиі жарық көргендіктен болар, газет редакторы Мәтен Бижанов қызметке шақырады. Жақсылық Жүнісов меңгеретін өнеркәсіп бөлімінде жұмыс істеп, спорт тақырыбында мақалалар жазады. Ақын Әбжан Әбілтаев пен академик Тұрсынбек Кәкішевтің көмегімен Қазақ мемлекеттік университетінің журналистика факультетіне оқуға түсіп, Есенғали Раушанов, Сәуле Досжанова сияқты қазақтың белгілі ақындарымен бірге тәмамдайды. Сол жылдары марқұм Мәули Әлімов, ақын Қайырбай Төреғожа да осы университетте оқыды.
Ақмола облысының әкімі Ермек Маржықпаев та бокспен айналысқаны белгілі. Ол Целиноград облысының, Қазақстан Республикасының чемпионы болған. Жаттықтырушысы Қаныбек Бойғұлов Серік Бошаев пен Қалымбек Мұхамеджановтың дос әріптесі болды. Целиноград пен Арқалық қалаларының боксшылары жиі жолдастық кездесу өткізіп жүріпті. Ермек Маржықпаевтың ағасы, бокстан спорт шебері Берік Боранбайұлы танымал бапкер болды.
–Қазақстан құрама командасында оқу-жаттығу жиындарында Серік Қонақпаев, Бақтай Сәпиев, Қуанышбай Қоқышев, Юрий Дергунов, Анатолий Пермяков, Ғалымжан Айбасов сияқты белгілі боксшылармен бірге жаттықтым. Бурабай өңірінен шығып, Омбы қаласында тұрған танымал боксшы Бауыржан Бекеновтың өмірден ерте кеткені көңілге қаяу түсіреді,–дейді спортты жанына серік еткен әріптесіміз.
Қалымбек Мұхамеджанов саналы ғұмырының 40 жылын журналистика саласына арнады. Облыстық газет пен радиода қызмет істеді. «Хабар» мен «Ақшамның» Көкшетау облысындағы меншікті тілшісі болды. Қазір облыстық телекомпанияда қызмет етеді. Телекөрермендердің көбі Қалекеңді спорт тақырыбында жазатын журналист деп біледі. Ол ауыл шаруашылығы мен өнеркәсіп саласына да қалам тербеп тұрады. Спорттың басы-қасында жүргеннен кейін Азия чемпионы Теміртас Жүсіповке көмек көрсетіп, ақыл-кеңесін берді. Қалымбек Мұхамеджанов марқұм Қуанышбек Әжіғұловты мектеп қабырғасынан боксқа баулыды. Кейін алғашқы қанаттандырған шәкірті бокстан спорт шебері, Қазақстанның бірнеше мәрте чемпионы атанып, Польшада өткен халықаралық жарыста «Алтын белбеуді» жеңіп алған.
Ата жолын қуған немересі Айым Болатқызы Степногорск қаласындағы Бөгенбай батыр атындағы спорттағы дарынды балаларға арналған мектеп-интернатта оқиды. Ол ауыр атлетикадан жасөспірімдер арасындағы жарыста күміс жүлдегер атанып, ҚР спорт шебері нормативін орындады. Осылайша, ата жолын қуған немересі спортта өз орнын тауып үлгірді.
Қалекең бокс, күрес, футбол, волейбол, баскетбол, ұлттық спорт түрлерінің ережесін терең зерттеген, бұл саланы жақсы білетін журналист. Ол әлі күнге дейін бокстан қол үзген жоқ.Таңертең ерте тұрып жүгіріп, әртүрлі дене қимылдарын жасайды. Спорт залына барып, жаттығып тұрады.
Рамазан ТІЛЕУОВ,
«Арқа ажарының» өз тілшісі.

Ағылшын тіліндегі тегін сабақтар

Жастар жылында жастар саясатын іске асыру аясында Көкшетау қаласының жастар ресурстық орталығы мектеп оқушыларына ағылшын тілін тегін оқыту жобасын бастады.

«Қайырымды жүрек» жобасының шапағаты

Мәншүк Сейфуллина азық-түлік тағамдары мен киімнен тарығып жүрген көп балалы аналарға қалай көмектесемін деп көп ойланды. Ақыры, бір шешімін тапқандай болды.

Жастай берген тәрбие тал шыбықты игендей…

Көкшетау қаласындағы емдеу және алдын-алу мекемелері мамандарының көшпелі бригадасы Бурабай ауданындағы «Звездный» және «Самұрық» балалардың сауықтыру лагерьлерінде болып қайтты.

Тағайындаулар

Ақмола облысының әкімі Ермек Маржықпаев кезекті аппарат кеңесінде облыс әкімінің кеңесшісі болып тағайындалған Ербол Жақсылықов пен Ақмола облысы әкімі аппаратының әдеп жөніндегі уәкілі болып тағайындалған Айнагүл Жанәділованы таныстырды.

Берекелі белестің бес жылы

Көкшетаудағы «Достар» мәдениет сарайында Қазақстан Республикасы мемлекеттік кірістер органдарының 5 жылдығына арналған салтанатты шара өтіп, оған облыс әкімінің орынбасары Асқар Мұратұлы қатысып, құттықтау сөз сөйледі.

Жаңа әкімге жаңа міндеттер жүктелді

Кеше Ақмола облысының әкімі Ермек Маржықпаев Бурабай аудандық мәслихатының кезектен тыс 45-інші сессиясына қатысып, «Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» 2001 жылғы 23 қаңтардағы Заңына сәйкес Әсет Азаматұлы Мұздыбаевтың кандидатурасын аудан әкімі қызметіне тағайындау туралы ұсыныс енгізді. Сессия бұл ұсынысты бір
ауыздан қолдады.

Өңір басшысы Е.Маржықпаев бұдан кейін аудан әкімінің жиналысында мәслихат депутаттарының ұсынысты қолдағанына рахмет айтып, ауданның жаңа әкімі Әсет Мұздыбаевтың өмірбаянымен таныстырды.
– Ауданда жүйелі шешімін күткен мәселелер баршылық, – деді облыс әкімі. Бурабай кең тармақты салаларды қамтитын аудан. Жаңа біз егістік алқаптарда болдық, ендігі міндет ел ырыздығын шашау шығармай жинап алу. Өңірде тұрғын үй, жол құрылысы, туристік инфрақұрылымды дамыту, әлеуметтік саясат және басқа мәселелерге айрықша назар аударылады. Бұл орайда жаңа тағайындалған әкімнің іскерлік қабілеті мен тәжірибесі алға шығады және оның тиісті нәтижесі болады деп сенеміз.
Аудан әкімі Әсет Мұздыбаев өзіне көрсетілген жоғары сенім үшін алғыс айтты.

Әсет Азаматұлы Мұздыбаев 1972 жылы туған. Ол Ш.Уәлиханов атындағы Көкшетау мемлекеттік университетін инженер-механик мамандығы бойынша бітірді. Сондай-ақ, 2006 жылы аталған университетте қаржы бакалавры біліктілігін алды.
Ә.Мұздыбаев 1992 жылдың маусымынан 2005 жылдың тамызына дейін коммерциялық құрылымдарда жұмыс істеді. 2005-2012 жылдары Қазақстан Республикасы Президентінің Іс Басқармасы «Казстройсистема» АҚ менеджері, бөлім басшысы, құрылыс компаниясының бас директоры, Қазақстан Республикасы Президентінің Іс басқармасы «Мемлекеттік резиденциялар дирекциясы» РММ инженерлік-техникалық бөлімінің бастығы болып істеді.
2012-2014 жылдары – Қазақстан Рес-публикасы Парламенті Шаруашылық басқармасы өндірістік инфрақұрылым басқармасының бастығы. 2014 жылдан бастап 2019 жылдың қаңтарына дейін ҚР ПІБ «Қараөткел» РМК директорының орынбасары болып істеді. Ә.Мұздыбаев 2019 жылдың қаңтарынан бастап Аршалы ауданы әкімінің орынбасары қызметін атқарып келді.
Ол «Ерен еңбегі үшін» медалімен марапатталған.
«Арқа ажарының» өз ақпараты.

Зерендінің киелі орындары Уәли хан мазарынан басталады

Кеше өңірлік коммуникациялар қызметінде Ақмола облысы аудандары мен Көкшетау, Степногорск қалалары әкімдерінің «Рухани жаңғыру» бағдарламасының іске асырылуы бойынша өз өңірлерінде атқарып жатқан жұмыстары туралы баспасөз мәслихаттары басталды. Осы айдың аяғына дейін өтетін бұл шараны Целиноград ауданының әкімі Мәлгаждар Тәткеев пен Зеренді ауданының әкімі Берікжан Әбутәліпов бастап беріп отыр. «Арқа ажары» өзінің алдағы сандарында осы брифингтердің хабарын беріп отырады.

«Рухани жаңғыру» ұлттық танымның аясын кеңейтті

Кеше өңірлік коммуникациялар қызметінде Ақмола облысы аудандары мен Көкшетау, Степногорск қалалары әкімдерінің «Рухани жаңғыру» бағдарламасының іске асырылуы бойынша өз өңірлерінде атқарып жатқан жұмыстары туралы баспасөз мәслихаттары басталды. Осы айдың аяғына дейін өтетін бұл шараны Целиноград ауданының әкімі Мәлгаждар Тәткеев пен Зеренді ауданының әкімі Берікжан Әбутәліпов бастап беріп отыр. «Арқа ажары» өзінің алдағы сандарында осы брифингтердің хабарын беріп отырады.

Браконьердің жолы болмады

Ақмола облысында полицейлер құзырлы орган өкілдерімен бірлесіп ірі су қоймаларында балық аулау заңдарының сақталуына байланысты рейдтер өткізуде.

Ардагерлер ұйымдарының белсенділігі артып келеді

Көкшетау қалалық ардагерлер кеңесі өткізген семинар мен пленумда бастауыш ардагерлер ұйымдары төрағаларының алдында тұрған міндеттер талқыланды.

Мәдениеттен түлеген тастүлек

Өмірде жастайынан талаптың тұлпарын мініп, білімімен, өнерімен өз ортасынан ерекшелене түсетін жастар болады. Осы бір адам баласына тән қасиет Біржан сал ауданының Мәдениет ауылын да айналып өтпеген. Қазақтың осы бір танымал ауылының өткен-кеткеніне көз жіберсек, ұлт әдебиетінің негізін қалаушылардың бірі, академик, сыншы Есмағамбет Ысмайыловтың, театр өнерінің дарабозы Жақып Омаровтың есімдері атойлап шыға келеді. Бір кезде іргелі шаруашылықтың орталығы болған Мәдениеттің бұдан басқа да белгілі тумалары қаншама. Олар еліне деген шексіз сүйіспеншілігімен, білім-білігімен өз ауылының бүгінгі өскелең жеткіншектеріне де үлгі-өнеге болып қала бермек. Сондай есімін айрықша ауызға алуға тұрарлық мәдениеттік тағы бір танымал азамат Болат Сабырұлы Рақышев десек, бұл сөзіміздің ешбір артықтығы жоқ деп білеміз.

Ажалға араша түскен азамат

Бейбіт күннің батырлары туралы қанша айтсаң да артық емес. Таяуда Шортанды ауданының тұрғыны Денис Сытник суға батып бара жатқан бір бозбаланы ажалдан арашалап қалды.

Медициналық құрылғылар алатын мүмкіндік

Дәстүрлі Burabike Fest – 2019 қайырымдылық шарасы биыл Бурабай ауданында тамыздың 24-25 күндері өтеді деп жоспарланып отыр. Шара аясында Есіл ауданындағы медициналық қызмет көрсету сапасын жақсарту көзделуде.

Ауған соғысының ардагері

Бурабай аудандық ішкі істер бөліміне қарасты уақытша ұстау изоляторында жүргізуші болып еңбек ететін полиция аға сержанты Еркін Оспановты әріптестері өз ісін жақсы білетін білікті маман ретінде құрмет тұтады. Бірақ та, осы салада біраз жылдардан бері еңбек етіп келе жатқан оның Ауған соғысының ардагері екендігін біреу білсе, біреу білмейді.