Daily Archives: 27.12.2014

Бәйге

(әзіл әңгіме)

Табандатқан бір ай бойы дайындаған жүйрігі қас қылғандай бәйгеден дәл бір күн бұрын сүрініп кетсін. Бұл іштей жаман ырымға балаған. Ана жылы аудандық мәслихатқа депутат боламын деп үміттенген ағасы Қошемет те дәл сайлаудан бір күн бұрын теп-тегіс табалдырықта сүрініп кетіп еді.

Биігінде қалған бейне

Бағзы заманда өмірдің өкпек желіне тоңған қамкөңіл қариялар жарық дүниеде «қанаты бүтін сұңқар, тұяғы бүтін тұлпар жоқ» деп көкіректері қарс айырылып, күрсінеді екен.

Іргеміз берік болсын

 1960 жыл-дардың бас кезінде ағама еріп, Ресейден Атбасарға келдім. Аудандық партия комитетінің  жолдамасымен Алматы жоғары партия мектебінде оқып, оны бітіргеннен кейін  Қорғалжын өңірінде қызмет атқардым. Міне, содан бері өзіме ыстық болып кеткен осы топырақта тұрып жатырмын.

Иван үйреніп алды

Көкшетау қаласының тумасы Иван  интернационалды отбасында өскен бала. Әкесі орыс, ал, анасы  неміс ұлтының өкілі. Үй ішіндегілер  тек ресми тілде сөйлейтіндігіне қарамастан, ол өз зеректігінің арқасында қазақ тілін тез меңгеріп алған көрінеді.

Асыққа – асық!

Көкшетау қаласындағы №8 орта мектепте ІІІ қалалық ұлттық асық ойындары өткізіліп, І орынды Мәлік Ғабдуллин атындағы №3 көптілде оқытатын кәсіби мектеп-гимназиясының шәкірттері иеленді. Басқа балалар да асық ойнауға асығып тұрса екен!

Бейбіт күнге ештеңе жетпейді

Менің ұғымымда өз Отанын сүйген әрбір адам бірлік пен берекенің сақталуына жауапкершілікте болады. Ал, туған жерге деген махаббат ең алдымен, оның тарихына құрметпен қараудан басталады.

Қызым саған айтам, келінім сен тыңда

Облыс әкімінің қолдауымен Қазақстан халқы Ақмола ассамблеясының жанынан Аналар кеңесі құрылған еді. Аталған кеңес жұмысын үйлестіру міндеті маған жүктеліп, міне, жылға жуық уақыттың ішінде ертеңгі бір үйдің анасы – қыз балаларға тәлім-тәрбие беру бағытында бірқатар шаралар атқардық.

Біте қайнасып кеткенбіз

Менің атам мен әжем де талай ұлтты түп-тамырымен жойып жіберуге бағытталған сонау саяси қуғын-сүргін кезінде мыңдаған шешен отбасылары қатарында қазақ топырағына жер аударылған екен.  Тумысынан мейірімді қазақтардан пана тауып,  аман қалған біздер осы берекетті мекенде тамыр
жайып келеміз. 

Татулыққа мектепте баулимыз

Жаһанда күн санап үдемесе, тоқтар түрі жоқ ушыққан геосаяси жағдай біздің өскелең ұрпақты қазақстандық патриотизм рухында тәрбиелеу қажеттігін тағы бір айқындап беріп отырғандай.  Ал, бұған толеранттылық ұғымының да кіретіні  белгілі.

Ұландарымыз елін сүйеді

Көкшетау техникалық институты төтенше жағдайлар саласына қажетті мамандар даярлайтын республикадағы бірден-бір оқу орны ретінде болашақ офицерлерді өз елін сүйетін қазақстандық патриотизм  рухында тәрбиелеуде айтарлықтай табыстарға қол жеткізуде.

Алина, Альбина, Еленалар қазақ әндерін тамылжыта шырқады

«Көкшетау» мәдениет сарайында облыс әкімінің орынбасары Нұрлан Нұркеновтың қатысуымен «Қазақша караоке-2014» облыстық байқауының финалдық кезеңі болып өтті. Қазақтың ән өнерін дәріптеу арқылы мемлекеттік тілді насихаттауды көздеген бұл шараны Қазақстан халқы Ақмола ассамблеясының хатшылығы ұйымдастырды.

2015 – Қазақстан халқы Ассамблеясы жылы

2014 жылғы 24 желтоқсанда Қазақстан Республикасының Мемлекеттік хатшысы Гүлшара Әбдіқалықованың төрағалық етуімен Қазақстан халқы Ассамблеясы жылын ұйымдастыру мен өткізу жөніндегі Мемлекеттік комиссиясының кеңейтілген отырысы болып өтті.

–2015 жылы мемлекеттік деңгейде аталып өтілетін мерекелердің бірі Қазақстан халқы Ассамблеясының 20 жылдығы болмақ. Елбасының Жарлығымен келесі жылы Қазақстан халқы Ассамблеясы жылы деп жарияланып, оны лайықты ұйымдастыру және өткізу бойынша арнайы мемлекеттік комиссия құрылған болатын, – деді жиынды ашқан мемлекеттік хатшы өз сөзінде.  – 2015 жылдың бас-ты міндеті Елбасының стратегиялық бағытына жалпы халық болып қолдау көрсетудің негізінде Қазақстанның полиэтникалық және поликонфессиялық халқының идеялық-саяси бірлігін қамтамасыз ету болмақшы.
Отырыс барысында 2015 жылға арналған мерейтойлық іс-шараларды өткізу, Ассамблея жылын ұйымдастыру мен өткізу жөніндегі шаралардың ұлттық жоспарын жүзеге асыру, Қазақстан Республикасы Конституциясының 20 жылдығына арналған іс-шараларды өткізуге дайындықтың барысы талқыланды.
Жиында Қазақстан Республикасы Премьер-Министрінің орынбасары, Комиссия төрағасының орынбасары Б.Сапарбаев, Қазақстан Республикасы Конституциялық кеңесінің төрағасы, Комиссия төрағасының орынбасары И.Рогов, Қазақстан халқы
Ассамблеясы төрағасының орынбасары – Ассамблея хатшылығының меңгерушісі, Комиссия төрағасының орынбасары Е.Тоғжанов, ҚР Мәдениет және спорт министрі А.Мұхамедиұлы, ҚР Президенті жанындағы Орталық коммуникациялар қызметінің басшысы Е.Бабақұмаров баяндама жасады.
Мемлекеттік комиссия мүшелері Қазақстан халқы Ассамблеясы жылын өткізудің тұжырымдамасын бекітті. Мемлекеттік комиссия Қазақстан халқы Ассамблеясы жылы эмблемасының (логотип) және Қазақстан халқы Ассамблеясының 20 жылдығына арналған мерейтойлық медальдің эскизін де бекітті.
Сондай-ақ, ҚР Конституциясының 20 жылдығы мен Қазақ хандығының 550 жылдығын және Жеңістің 70 жылдығын қоса алғанда 2015 жылы атқарылатын мерейтойлық іс-шараларды жүзеге асыру бойынша мемлекеттік органдардың жұмысын үйлестіру мен өзара әрекеттестікті ұйымдастыру мәселелері де талқыланды. Отырыс қорытындысы бойынша Мемлекеттік хатшы одан арғы жұмысты ұйымдастыру жөнінде нақты тапсырмалар берді.

Шыршаны кеспеңіз!

Жаңа жыл жақындаған сайын заңсыз шырша кесу оқиғалары орын алады. Бұл күндері облыста 5 мобильдік топ шыршаларды сақтау мен қорғау бағытындағы жұмыстарды жандандыра түсуде. Бұл мақсатта негізгі жолдарда 48 бақылау бекеті және орман қызметкерлері тарапынан 116 мобильдік топ құрылып,  тәулік бойы кезекшілік атқаруда. Күзет шаралары құқық қорғау органдарының қатысуымен жүргізіледі. Қазақстан Республикасы Үкіметінің қаулысына сәйкес Жаңа жылдың алдында 1 түп жас шырша шығынының құны  15 айлық есептік көрсеткішті, яғни, 27780 теңгені құрайды.

Ендігі меже – келесі жылдың жазы

Кеше облыс әкімі Сергей Кулагин Көкшетаудағы жаңадан салынып жатқан мешіт құрылысының барысымен танысып, нысанды тезірек аяқтаудың мүмкіндіктерін саралады.

Жаңа құрылымға сенім артты

Облыс әкімі Сергей Кулагин Ақмола облысы бойынша мемлекеттік кірістер департаментінің ұжымымен кездесіп, жаңа  құрылым алдындағы міндеттерді белгіледі.