Daily Archives: 22.01.2015

Жамбы атудың алғашқы жеңімпаздары

Жамбы ату – қазақ халқының ұлттық жауынгерлік ойыны. Ертеде кең тараған мергендер сайысы соңғы уақытта мүлде ұмытыла бастаған еді. Бүгінде оны қайта жандандыру мақсатында Краснояр селосына қоныстанған облыстық балалар мен жасөспірімдердің спорт мектебінде жамбы атудан алғаш рет жарыс ұйымдастырылғанын естігенде, көңіліміз бір марқайып қалды.

Талабы зор Салтанат

Бала жүрегі – кішкентай күйсандық. Ол сандықтың кілтін тапсаң ғана ашылады. Мұғалімнің қолында әр кез сол кілт жүруі керек.
Осы даналықтан түйетін бір ой, шәкірттердің дарынын ашатын да, әрі қарай маздататын да – ұстаз.

Диқан болған Диханбай атам

Менің атам Диханбай ертеде азын-аулақ малын ағасы Алшынбайға қалдырып, жаз бойы Қорғалжын өңіріндегі Қараегін, Ащыкөл-Тұщыкөлдегі переселен орыс казактарына жалданып, егін егіп, күзге қарай азын-аулақ табысына бидай, картобын алып, ел отырған қыстаққа қайта оралады екен.

Тілшілік – жауапты міндет

Қазақстан Журналистер одағының Астана қаласы бойынша филиалының төрағасы  Мағжан Садыхан маған Одақ мүшелігінің куәлігін тапсырып  тұрғанда басыма екі ой келді. Біріншісі, менің БАҚ-тармен көп жылғы шығармашылық байланысымның жемісі шығар. Екіншісі, журналистік оқу бітірген, БАҚ-тарда  қызмет атқарған жоқпын, тек қана газеттерге жиі мақалалар жазып тұрдым, сонда осы Одаққа мүше болуға лайықпын ба? Әрине, екеуіне де жауабым бар сияқты. Мысалы, көптеген журналистер мен жазушылардың осы мамандыққа қалай келгендіктерінен хабардармын. Осы кәсіпті ұнату керек те, талмай үйреніп, еңбек етуің қажет деп ойлаймын. Мен бұл жұмысты қашан, неден бастағанымды  айтып өтейін. Мүмкін, болашақ тілшілерге пайдасы тиіп қалар.

Кездесулер көңілден шықты

Барлық деңгейдегі әкімдердің жыл сайынғы халық алдында есеп беру кездесулерін өткізу жөніндегі Президент Жарлығына сәйкес, ауданымыздың жеті селолық округінде осындай жүздесулер ұйымдастырылды.

Көп мәселелер қамтылды

Елбасының тапсырмасына орай аудан әкімі Жомарт Нұркенов ауылдық округ әкімдерінің тұрғындар алдында есеп беру кездесулеріне қатысып, алда тұрған келелі міндеттерге орай нақтылы тапсырмалар жүктеді.   

«Ұйқы ауруы» емес

Красногор селолық округінің әкімі  Әсел Сәдуақасова-ның «ұйқы ауруы» диагнозы расталмады.

Үш жағдай

Осы күні қазақтың тілі мен өнерін кері тартып отырған  екі-үш жағдайлар бар.

Соның бірі – көшедегі қазақшасы қате жазылған жарнамалар. Тіл деп шырылдағалы жиырма бес жылдан асты, бір түзелмей келеді. Қазіргі түрімізбен қашан түзелері де белгісіз.

Тілектері ескеріледі

Степногорск қаласы әкімінің орынбасары Эльмира Салықова соғыс және еңбек ардагерлерімен кездесу өткізіп, зейнеткерлерді толғандырып отырған мәселелерге назар аударды. Жиында қалалық әкімдіктің бірқатар бөлімдерінің басшылары хабарламалар жасады.

Өндірісте өрлеу бар

Облыс әкімі Сергей Кулагин Көкшетау қаласының бірқатар әлеуметтік-өндірістік нысандарында болып, қолға алынған жұмыстардың барысымен танысты, сондай-ақ, алда тұрған міндеттерді белгіледі.

Маңызды буын

Облыстық ішкі саясат басқармасының алқа мәжілісінде өңірдің идеологиялық майданында былтырғы жылы атқарылған істер қорытындыланып, айтулы шараларға толы 2015 жылдың міндеттері пысықталды.

Бурабай мәселесі. жаңа орталық.

Кеше облыс әкімі Сергей Кулагин кезекті жұмыс сапарымен Бурабай ауданында болып, аудан, қала әкімдері, департаменттер мен басқармалардың басшыларының қатысуымен Щучинск-Бурабай курортты аймағын дамыту бағдарламасын жүзеге асыру барысы жайында кеңейтілген мәжіліс өткізді және жедел басқару орталығының ашылу салтанатына қатысты.