Monthly Archives: Июль 2019

Нарық мүддесі

Қазақстан Республикасы Премьер-Министрі Асқар Мамин мемлекеттік сатып алу арқылы алынатын импорттық автокөліктерге 2 жыл мерзімге тыйым салу туралы Қаулыға қол қойды.

Желдің күші

«Nur Otan» партиясы Ақмола облыстық филиалы жанындағы жоғары технологияларды дамыту мәселелері жөніндегі комиссияның көшпелі отырысы облыс орталығына іргелес жатқан Краснояр селосында болып өтті.

Үшінші ауысым жабылды

«Зерен-2019» республикалық жастар білім беру жазғы лагерінің үшінші ауысымы жабылды. Бірден айта кетелік бағалы бастама баянды болды. Жылт еткен жаңалыққа құмар талапты жастардың өрісіне жол ашылды. Шараға Қазақстан Білім және ғылым министрі Асхат Аймағамбетов қатысып, құттықтау сөз сөйледі.

Соттағы жаңа есімдер

Ақмола облыстық сотының төрағасы Досжан Әміров облыстық соттың пленарлық отырысында Қазақстан Республикасы Президенті Қасым-Жомарт Тоқаевтың Жарлығымен тағайындалған Ақмола облысы соттарының төрағалары мен судьяларын таныстырды.

1 миллион 110 мың тонна шөп дайындалды

Биыл облыс бойынша 1 миллион 114 мың тонна, яғни, бір жылдық шөп қорын дайындау жоспарланды.
Бүгінгі күнге дейін 1 миллион 110 мың тонна шөп дайындалып, маяларға салынды.

Темірлан – Азия чемпионы!

Жерлесіміз Темірлан Мұхамедьянов тау велосипеді жарысынан (маунтинбайк) Ливанда өткен сайыста Азия чемпионы атанды.

Радиациялық қауіпсіздікті сақтау маңызды іс

Ақмола облысының аумағында радиациялық қауіпті кәсіпорындар санатына – «Степногорск тау-кен химия комбинаты» (СГХК) және «Семізбай U» ЖШС жатады. Тұтынушылар құқығын қорғау департаментінің мәліметінше, облыс аумағында иондалушы көздері бар 7 кәсіпорын балансында 48 жабық сәулелену көзі сақталуда.

Экспорттық өнім көлемі өседі

Қазақстан Республикасы Премьер-Министрі Асқар Маминнің төрағалығымен өткен Үкімет отырысында мал шаруашылығын дамыту, «Нұрлы жер» мемлекеттік бағдарламасын іске асыру барысы, Нұр-Сұлтан қаласында жеңіл рельсті транспорт жобасының құрылысын жалғастыру мәселелері қаралды.

Көкшетауда бояулар мерекесі өтті

Көкшетауда «ЯРКО кросс» бояулар мерекесі өтті. Облыс орталығындағы Тәуелсіздік алаңында ұйымдастырылған бояу мерекесіне қала тұрғындары мен қонақтары қатысып, тамашалады.

«Алқаби болудан жалтару заң бойынша жауапкершілікке ұшыратады»

Сот мәжілістеріне халық өкілі – алқабилердің қатысуына жағдай жасайтын «Алқабилер туралы» заңның қабылданып, күшіне енгеніне біраз жылдың жүзі болды. Дегенмен де, алқабилердің қатысуымен өтетін сот мәжілістері жалпы сот қарайтын істерге шаққанда оншалықты көп болмай отыр. Бұның өзіндік себептері бар дейді Ақмола облысы бойынша қылмыстық істер жөніндегі мамандандырылған ауданаралық сотының төрағасы Бауыржан Баймурзин осы мәселе төңірегінде өзінің ой-пікірлерімен бөлісіп.

Экологиялық ахуал – ерекше назарда

Қоршаған ортаны қорғау бүгінде бүкіләлемдік маңызы бар мәселелердің біріне айналып отыр. Ғылым мен техника дамыған сайын экологиялық ахуал да қиындап, қоршаған орта мен ауаның ластануы күшейе түсуде. Өнеркәсіп орындары мен жыл өткен сайын көбейіп бара жатқан автокөліктерден шыққан газ, одан қалды, өндіріс қалдықтары қоршаған ортаның ластануына үлкен әсерін тигізіп отыр. Қалыптасқан экологиялық мәселелерді шешуге Ақмола облысы бойынша экология департаменті де ұдайы назар аударып келеді.

Ақсаусақ ұрпақ немесе келінімнен «келинкам» жақсы

Тіршілік толқынында бір-бірімен ұштаса қарбасқан қаншама мәселенің тасасында қалған тағы бір жай бар. Ол жас ұрпақты адал еңбекке баулу, сол еңбектің дәмін татыру, қадірі мен қасиетін ұғындыру. Бүгінгі ұрпақтың қарапайым тіршілікке қауқарсыз болып бара жатқандығы ойландырмай қоймайды. Тіпті, тепсе темір үзетін азаматтардың шеге қағуға икемі келмейтіндігі несі. Бәлкім қоғамдағы қордаланып қалған көп мәселенің астарында осы жай жатқан жоқ па?

Балалық шақ базарлы!..

Думан толы бұл күні,
Әлем шаттық бүркіді.
Балалардан көріңіз,
Ағыл-тегіл күлкіні.

Балалық шақ базарлы,
Күн де бүгін ажарлы.
Шырай шашып дүние,
Көңіл шалқып, тазарды.

Қайталанбас көрініс,
Жақсы ойлар өріңіз.
Моншақ төгіп балдәурен,
Жайнай берсін төріміз!

Абай Құнанбайұлының тұңғыш жинағына – 110 жыл

Рухани жаңғыру бағдарламасы аясында Хакім Абайдың 175 жылдық мерейтойын жоғары деңгейде өткізу шаралары барлық жерде жүйелі қолға алынуда. Осыған орай, жуырда әлеуметтік желілер арқылы үнемі өскелең ұрпаққа Абай мұрасының жетуіне алаңдаушылық пен бүгінгі абайтанушы ғалымдардың азайып бара жатқанына қынжылыс білдіріп жүретін Алмахан Мұхаметқалиқызының мына мақаласын оқып, оқырманның да білгені жөн болар дедім.

Қуаныштың ерте-кеші болмайды!..

Қарақұрым халық қаптаған қала көшелерінде өзі сияқты көп мұңлықтың бірі болып, көңілсіз келе жатқан. Қалта телефонына смс-хабар түскенде де елең еткен жоқ. Бір кезде шыр-шыр етіп, безілдей жөнелгенде телефон тұтқасын көтермесіне лажы болмады.