Тілдің дамуына қуатты серпін

Елбасы Нұрсұлтан Назарбаевтың бастамасымен қолға алынған латын әліпбиіне көшу мәселесі қазақ тілінің дамуына қуатты серпін берері анық. Себебі, бұл – заман талабы.

Жаһандану заманында Қазақстанның латын графикасын таңдауы – мемлекеттік деңгейдегі тиімді шешім деп ойлаймын. Сол себептен латын әрпіне көшу көпшіліктің қолдауына ие болып жатқанын көріп отырмыз.
Осыған байланысты аудан орталығында орналасқан білім ошақтарында, мемлекеттік мекемелерде қазақ әліпбиін латын графикасына көшіру мәселесінің тиімді тұстарын жұртшылыққа түсіндіру мақсатында көптеген іс-шаралар өткізіліп тұрады. Жалпы, латын қарпіндегі әліпбиге көшу қазақ тілінің халықаралық дәрежеге шығуына жол ашып, Қазақстанның әлемдік қауымдастықпен жақындасуына мүмкіндік береді. Қазақ тіліне компьютерлік жаңа технологиялар арқылы халықаралық ақпарат кеңістігіне кірігуге тиімді қадамдар басталмақшы. Ең бастысы, түбі бір түркі дүниесі негізінен, латынды қолданады. Кездесулерде латын графикасына көшу туралы қысқаша бейнесюжет көрсетіліп, орталық оқытушылары латын графикасына негізделген қазақ тілі әліпбиімен, латын әліпбиіне көшу кезеңдерімен, жаңа әліпбиге көшу кестесімен таныстырады.
Жалпы, халықтың жаңа әліпбиге көшу мәселесіне көзқарасы жақсы. Қиындықсыз, кедергісіз шаруа бітпесі анық, бірақ, біз осының бәрі болашақ үшін зор прогреске, прагматикалық ілгері басушылыққа апаратынын түсіне білуіміз керек. Елбасымыздың сарабдал саясаты мен көрегендігінің арқасында дамып келе жатқан еліміз үшін бұл өте құнды бастама деп білеміз.

Руслан МАХАНОВ,
Аршалы аудандық тілдерді оқыту орталығының
директоры.

Tіldіń damýyna qýatty serpіn

Elbasy Nursultan Nazarbaevtyń bastamasymen qolǵa alynǵan latyn álіpbıіne kóshý máselesі qazaq tіlіnіń damýyna qýatty serpіn bererі anyq. Sebebі, bul – zaman talaby.

Jaһandaný zamanynda Qazaqstannyń latyn grafıkasyn tańdaýy – memlekettіk deńgeıdegі tıіmdі sheshіm dep oılaımyn. Sol sebepten latyn árpіne kóshý kópshіlіktіń qoldaýyna ıe bolyp jatqanyn kórіp otyrmyz.
Osyǵan baılanysty aýdan ortalyǵynda ornalasqan bіlіm oshaqtarynda, memlekettіk mekemelerde qazaq álіpbıіn latyn grafıkasyna kóshіrý máselesіnіń tıіmdі tustaryn jurtshylyqqa túsіndіrý maqsatynda kóptegen іs-sharalar ótkіzіlіp turady. Jalpy, latyn qarpіndegі álіpbıge kóshý qazaq tіlіnіń halyqaralyq dárejege shyǵýyna jol ashyp, Qazaqstannyń álemdіk qaýymdastyqpen jaqyndasýyna múmkіndіk beredі. Qazaq tіlіne kompıýterlіk jańa tehnologııalar arqyly halyqaralyq aqparat keńіstіgіne kіrіgýge tıіmdі qadamdar bastalmaqshy. Eń bastysy, túbі bіr túrkі dúnıesі negіzіnen, latyndy qoldanady. Kezdesýlerde latyn grafıkasyna kóshý týraly qysqasha beınesıýjet kórsetіlіp, ortalyq oqytýshylary latyn grafıkasyna negіzdelgen qazaq tіlі álіpbıіmen, latyn álіpbıіne kóshý kezeńderіmen, jańa álіpbıge kóshý kestesіmen tanystyrady.
Jalpy, halyqtyń jańa álіpbıge kóshý máselesіne kózqarasy jaqsy. Qıyndyqsyz, kedergіsіz sharýa bіtpesі anyq, bіraq, bіz osynyń bárі bolashaq úshіn zor progreske, pragmatıkalyq іlgerі basýshylyqqa aparatynyn túsіne bіlýіmіz kerek. Elbasymyzdyń sarabdal saıasaty men kóregendіgіnіń arqasynda damyp kele jatqan elіmіz úshіn bul óte qundy bastama dep bіlemіz.
Rýslan MAHANOV,
Arshaly aýdandyq tіlderdі oqytý ortalyǵynyń
dırektory.

Loading

Добавить комментарий

Ваш адрес email не будет опубликован. Обязательные поля помечены *

Өзге де жаңалықтар