Кезектен тыс Қазақстан Республикасы Президенті сайлауын ұйымдастыруды қамтамасыз ету шараларын түсіндіру мақсатында Бурабай ауданындағы «Оқжетпес» шипажайында облыстық семинар-тренинг өткізілді.
Шараға Орталық сайлау комиссиясының өкілдері, шетелдік және отандық бақылаушылар, аудандық сайлау учаскелерінің төрағалары, журналистер қауымы қатысып, Қазақстан Республикасы Орталық сайлау комиссиясының мүшесі Татьяна Охлопкова баяндама жасады. Елімізде үш халықаралық ұйымның атынан келген 402 бақылаушы өз жұмысын бастап кетсе, ал, дауыс беруге барлығы 9 миллионға жуық қазақстандық қатысады деп күтілуде. Президенттікке үміткерлердің мүмкіншіліктері, сайлау науқанының дұрыс әрі жоғары деңгейде өткізілуі жайлы да кеңінен сөз қозғалды. Семинар барысында облыс әкімі аппараты басшысының міндетін атқарушы Николай Политкин, облыстық сайлау комиссиясының мүшесі Ольга Добычина аталған науқанға дайындық жұмыстары, заңды бұзған жағдайда қолданылатын әкімшілік, қылмыстық жаза туралы жиналғандарға кеңінен мағлұмат берді. Қатысушылар назарына учаскелік сайлау комиссияларының сайлау күнгі жұмысы жайлы мазмұнды бейнебаян ұсынылып, шара соңы сұрақ-жауап форматына ұласты.
«Арқа ажарының» өз ақпараты.
