Бала туу көрсеткіші 4 пайызға өсті

Облыстық әділет департаментінің мәліметі бойынша 2018 жылы тіркеуші органдар 11267 сәбидің тууы туралы жазбаны тіркеген. Бір жыл ішінде 4640 қыз-жігіт некесін қидырса, 2441 ерлі-зайыптылар ажырасқан. Сөйтіп, ажырасушылар саны некеге отырғандардың жартысынан асып түсті.

Азаматтық хал-актілері жазбасы мәліметіндегі бір жағымды жаңалық, сәбилердің туу көрсеткіші өткен жылға қарағанда 4 пайызға артып, өлім саны керісінше 1 пайызға кеміген. Сөйтіп, өткен бір жылдың ішінде облыс тұрғындарының саны 3994 адамға көбейген. Тек еліміздің Тәуелсіздігі күні мерекесінде ғана 48 қыз бала мен 45 ұл бала дүниеге келіп, ата-аналарын қуанышқа бөлеген. Сәбилердің арасындағы ең көп таралған есімдер Арлан, Әмір, Ислам болса, қыздар арасында Айзере, Мәдина, Әмина есімдері жиі кездеседі.

«Арқа ажарының» өз ақпараты.

Пікір қалдыру

Міндетті өрістер таңбаланған Обязательные поля помечены *