Мамандықтың бәрі де бағалы

Қанат Есенов Целиноград ауыл шаруашылығы институтын бітірген соң туған Спиридоновка селосына жұмысқа келіп осында тұрақтап қалды.

Сол жылдары «Армавир» өңірдегі ірі шаруашылықтардың бірі болатын. Мұнда егістікпен бірге мал шаруашылығы дамыған еді. Кеңшарда ет бағытындағы қазақтың ақ бас ірі қара малы бағылды.
–1997 жылға дейін зоотехник болып жұмыс істедім. Кейін егістік шаруашылығының есепші, бригадирі болдым. Инвесторлар өздерімен бірге америкалық ангус тұқымдас ірі қараны ала келді. Қазір зооинженер қажет емес, мал дәрігері жетіспейді. Сондықтан, малшы болып ауыстым. Алпыс жасты алқымдаған соң, өзге елді мекенге қоныс аударғым келмеді. Отбасыммен бірге осы селода тұруды ұйғардық. Өз басым бұрын зооинженер болып жұмыс істегендіктен болар, ангус малы қызықтырды. Қазір осы малды бағамын, – дейді тәжірибелі малшы бізбен әңгімесінде.
Төлеген ҚОСШЫҒҰЛОВ.
Суретте: жоғары білімді мал маманы Қанат Есенов.
Егіндікөл ауданы.

Пікір қалдыру

Міндетті өрістер таңбаланған Обязательные поля помечены *