Жақсы әсерде қалды

Облыс әкімі Сергей Кулагин  сайлау күні Германия Федеративтік Республикасынан келген халықаралық бақылаушылар – Бундестаг депутаты Карин Штренц пен дипломат Бертольд Ханс – Фридрих фон Плёцті қабылдады.

Кездесу барысында сөз алған өңір басшысы алдымен, бізде тұрып, шетелге қоныс аударған немістердің Қазақстанды ерекше бір жылылық, сағынышпен еске алатындығын айтты.
Ал, депутат ханым Карин Штренц өз кезегінде қазақ жеріне тоғызыншы рет келіп тұрғандығын, әр келуінде елдің өсіп, дамуының куәгері болатындығын жеткізді.
Сайлаудағы белсенділікті сұраған бақылаушыларға өңір басшысы сағат түскі 12.00-ге дейін облыс тұрғындарының 51 пайызының өз таңдауларын жасағандықтарын айтты.  Халықаралық бақылаушылар сайлаудың ашықтығын қамтамасыз ету мәселелеріне назар аударып, кейін сайлау учаскелерінде болғанда саяси маңызы зор шараның сайлау туралы заңға сәйкес әділ өтіп жатқанына көздері жетті.  Кездесу соңында өңір басшысы  бақылаушылардың жұмысына табыс тілеп, оларды барынша бейтарап болуға шақырды.

Loading

Добавить комментарий

Ваш адрес email не будет опубликован. Обязательные поля помечены *

Өзге де жаңалықтар