Сенім бар жерде – табыс бар

Кеше облыс әкімінің орынбасары Василий Крылов Зеренді ауданы әкімінің орынбасары Бахтияр Хасеновтың халық алдында есеп беру кездесуіне қатысып, сөз сөйледі. Ол өз сөзінде Қазақстан Республикасының Президенті Нұрсұлтан Назарбаевтың халыққа арнаған Жолдауында атап көрсетілген басымдықтардың маңызына тоқталып, стратегиялық міндеттерді іске асырудың нақтылы жолдарын айқындады.

Бұдан кейін мінбеге аудан әкімінің орынбасары Бахтияр Хасенов көтеріліп, тұрғындар алдында «Зеренді ауданының 2018 жылғы әлеуметтік-экономикалық даму қорытындылары мен 2019 жылға арналған міндеттері» туралы егжей-тегжейлі есеп берді.
Облысымыз бен елiмiздiң дамуына Зерендi ауданы да өзiнiң қомақты үлесiн қосуда. Аудан тұрғындарының хал-ахуалы жыл өткен сайын біртіндеп жақсарып келеді.
– Зерендi ауданының 2018 жылы әлеуметтiк-экономикалық дамытудың қорытындыларына талдау жасағанда, өңiрiмiзде барлық негiзгi көрсеткiштер бо-
йынша тұрақты өсу қарқынының сақталғанын атап өту қажет. Ауданда өнеркәсiп секторын дамыту жалғасуда. Ақмола облысының өнеркәсiп өндiрiсiнiң құрылымында Зерендi ауданының үлесi 31,8 пайызды құрайды. Өнеркәсiп өндiрiсiнiң көлемi 2018 жылы 205 миллиард теңгеден асты. Барлық агротехникалық iс-шаралардың тиiстi деңгейде атқарылуы мен диқандарымыздың қажырлы еңбектерiнiң арқасында 177,4 мың гектар алқаптан 387,6 мың тонна астық жиналды, әр гектардың өнiмдiлiгi 21,5 центнердi құрады, бұл Ақмола облысы бойынша ең жоғарғы көрсеткiш,– деді ол сөз басында.

Бұдан кейін баяндамашы аудан шаруашылығының барлық салаларына жеке-жеке тоқталып, талдау жасады. Индустриалдық-инновациялық даму Мемлекеттiк бағдарламасы аясында, ауданда жалпы құны 1,0 миллиард теңгеге бағаланған Қонысбай ауылдық округiндегi «Блиц Терминал» ЖШС-нiң құс фабрикасының (өндiрiстiк қуаттылығы – жылына 252 тонна өнiм) құрылысы, сондай-ақ, С.Сейфуллин атындағы ауылдық округтегi «Арай Про» ЖШС-нiң каолин тау-кен байыту комбинатының (жобаның құны 5,4 миллиард теңге, қуаттылығы – 80 мың тонна) құрылысы бойынша жобалар жүзеге асырылады. Аталған жобаларды ағымдағы жылы аяқтау, 240 жаңа тұрақты жұмыс орындарын ашу жоспарланып отыр. Халықтың қарап отырғандығы қолындағы малы болғаннан кейін, малды асылдандыру бағытында толымды жұмыс атқарылуда. 2018 жылы тұқымды түрлендiруге аудан бойынша 6,2 мың бас аналық iрi қара мал басы қатыстырылды, бұл 28 пайызды құрайды. 2020 жылға дейiн аналық iрi қара мал басын 24 мыңға дейiн жеткiзiп, тұқымды түрлендiруге 7 мың басты қатыстыру жос-парланып отыр.
Ел еңсесін тіктеп, халықтың әл-ауқатын көтеруге шағын және орта бизнестің тигізетін септігі өте мол. Бұл салада 5 мыңға жуық адам немесе ауданның экономикалық белсендi тұрғындар санының 20 пайызы еңбек етуде. Кәсiпкерлiктi қолдау картасынан тыс ауданда жалпы көлемi 300 миллион теңге сомасына 2 жоба iске асырылды. Кәсiпкерлiктi дамыту мен ауыл тұрғындарын жұмыспен қамту мақсаттарында, есептi жылы ауданның барлық ауылдық округтерiнде жалпы көлемi 650 миллион теңге сомасына 96 бизнес-жоба жоспарланып, iске асырылды. Жаңа 195 жұмыс орны ашылды. Өткен жылдың қорытындылары бойынша құрылыс жұмыстарының көлемi 6,9 миллиард теңгенi немесе 2017 жылдың кезеңiне 153,6 пайызды құрады, құрылыс жұмыстарының нақты көлем индексi 113,8 пайызға тең. Сонымен қатар, 5 804 шаршы метр баспана пайдалануға берiлдi. Зерендi ауылында 2018 жылы жаңа тұрғын үй алабына су және электр желiлерiнiң құрылысы бойынша жұмыстар басталды, онда азаматтарға баспана салу үшiн 248 жер телiмiн бөлу көзделiп отыр.
Тұрғындарды ауыз сумен қамтамасыз ету және осы мәселенiң маңыздылығы туралы айтатын болсақ, сапалы сумен қамтамасыз ету мiндетi бiртiндеп шешiлуде. Қазiргi уақытта тұрғындар тасымалды суды пайдаланатын Березняковка және Заречное ауылдарында су құбыры мен тарату желiлерiн салу үшiн 5,8 миллион теңге сомасына жобалық-сметалық құжаттама әзiрлендi. Аудандағы тұрғындар саны 1600-ден астам iрi елдi мекендердiң бiрi Алексеевка ауылында соңғы жылдары үздiксiз сумен қамтамасыздандыру мәселесi көтерiлуде. Ағымдағы жылы су құбырына күрделi жөндеу жасау үшiн жобалық-сметалық құжатнама әзiрлеуге аудандық бюджеттен 10 миллион теңге қарастырылды. Ауданда туристiк кластердi дамыту бойынша бiрқатар жұмыстар атқарылуда. 39 туристiк нысандар жұмыс iстеуде, олардың 9-ы жыл сайын қызмет етiп, 2 мыңға жуық туристерге орын ұсынуда (1665 орын). «Elikti Park» тау-шаңғы базасы екi жұлдыздық және «Аврора Гарден» отбасылық демалыс орталығы екi жұлдызды санаттылық сертификаттарына ие болды.
2018-2019 жылдардағы жылу беру мау-сымында аудан бойынша 22 қазандық жұмыс iстейдi, олардың барлығында қажеттi дайындық жұмыстары жүргiзiлiп, қажеттi отын қоры сатылып алынды. Белгiлi болғандай, өткен жылу беру маусымында желiлердiң тозуына байланысты (70 пайыздан астам), Зерендi ауылының орталық қазандығында жылу беру қыс мезгiлiнде екi рет үзiлдi. Бұл жағдай халық арасында алаңдаушылық тудырып, талай рет жиындарда, соның iшiнде Ақмола облысының әкiмi Мәлік Мырзалиннiң қатысуымен өткен қорытынды есеп беру кездесуiнде де көтерiлген болатын. Облыс басшысы зерендiлiктердiң өтiнiшiн қабыл алып, аудан орталығы мен Гранитное ауылының жылу және су құбырларын жөндеуге облыстық бюджеттен 433 миллион теңге бөлiндi. Жөндеу жұмыстары белгiленген уақытта аяқталды, жылу қалыпты режимде берiлуде.
Бұл өңiрде бiлiм беру, денсаулық сақтау, мәдениет және спорт салаларын дамытудың айтарлықтай әлеуетi бар. Оқушылардың бiлiм алуларына қолайлы жағдайлар жасау үшiн мектептердiң материалдық базалары жақсартылуда. Оны жүзеге асыруда мақсаттық трансферттермен қатар, бюджеттiк және демеушiлердiң қаражаттары бағытталуда. «Нұр Отан» партиясының бас-тамасы бойынша 2018 жылдан, Н.Горбунова директорлық жасайтын «Азат НҚП» ЖШС демеушiлiк қаражаттары есебiнен жалпы сомасы 1,2 миллион теңге тұратын 7 тегiн IT – сыныптары жұмыс iстей бастады. Жергiлiктi бюджеттiң қаражаттары есебiнен 2018 жылы 5 мектепке жалпы сомасы 1,3 миллион теңгенiң мультимедиялық жабдықтары сатылып алынды. «Дипломмен – ауылға!» жобасы бойынша 2018 жылы 30 адам жалпы сомасы 5 миллион теңгенiң көтерме жәрдемақысымен қамтамасыздандырылды. Зерендi ауданының денсаулық сақтау мекемелерi нысандарының жалпы жабдықталуы 2018 жылы 3,3 пайызға өсті. Денсаулық сақтау нысандарының материалдық базалары жақсаруда, облыстық бюджеттiң есебiнен 4,2 миллион теңге сомасына арнайы автокөлiк, 4,7 миллион теңге сомасына физиотерапиялық жабдықтар сатылып алынған, 33 миллион теңгеге Айдарлы және Садовый елдi мекендерiнiң медициналық пункттерiне күрделi жөндеулер жасалды. Зеренді
ауданында 2018 жылы «Рухани жаңғыру» бағдарламасын жүзеге асыру бойынша аудандық ауқымдағы 58 іс-шара өткізілді.
Кездесуде аудан әкімі барлық елді мекендердегі есеп беру жиналыстарында тұрғындардан түскен сұрақтар, ұсыныс-пікірлердің және мемлекеттік, өңірлік бағдарламалардың сапалы, уақытылы орындалуы қатаң бақылауда болатынын жеткізді. Қай іске де халық – әділ төреші, өз бағасын береді. Ел игілігі үшін жасалған әрбір іс өз нәтижесін көрсетіп отыр. Орамды ойлар ортаға салынған келелі жиыннан Зеренді өңірі өміріндегі өміршең жобалар, байыпты бастамалар, жарқын жобалар халықтың ертеңге деген сенімін одан әрі нығайта түсті.

Ұлмекен ТЫНЫШТЫҚҚЫЗЫ.
«Арқа ажарының» өз тілшісі.
Суреттерді түсірген Берік ЕСКЕНОВ.

Пікір қалдыру

Міндетті өрістер таңбаланған Обязательные поля помечены *