Өзара байланыс нығайып келеді

Егіндікөл ауданының әкімі Ерлан Исабеков мәдениет үйінде ауданның әлеуметтік-экономикалық дамуының 2018 жылғы қорытындылары және 2019 жылдың алда тұрған міндеттері туралы есеп беру кездесуін өткізді. Оған Ақмола облысы бойынша Тексеру комиссиясының төрағасы Нұрлан Жексенбайұлы Бекенов қатысты.

Аудан әкімі есептік кездесуде Елбасының «Қазақстандықтардың әл-ауқатының өсуі: табыс пен тұрмыс сапасын арттыру» атты Қазақстан халқына арнаған Жолдауында қойылған мақсаттарға жету барысында ауданда атқарылған жұмыстарға кеңінен тоқталды.
Жаңа форматта өткен есеп беру кездесуін заманауи ақпараттық технологияларды пайдалану арқылы нақты уақыт режимінде, яғни, онлайн режимінде, кез-келген жерде, үйде, кеңседе, көшеде жүріп, Facebook және ВКонтакте әлеуметтік желілерінен көруге, аудан әкімдігінің ресми беттерінен оқуға болады. Сонымен қатар, мінберсіз өткен кездесу тұрғындармен біртабан жақынырық пікір алысуға да оңтайлы болды. Аудан тұрғындарына сұрақ қою үшін залда болудың қажеті жоқ, кез-келген адам 2-14-33 сенім телефоны арқылы өз сұрақтарын қоюына мүмкіндігі бар. Сондай-ақ, Facebook және VKontakte әлеуметтік желілері мен WhatsApp messenger арқылы да жазып, сұрақтар жіберуге немесе электрондық пошта бойынша байланысуға жағдай жасалды.
Егіндікөл ауданының әлеуметтік-экономикалық дамуының тұрақты қарқын алуы біздің қызметіміздің басты бағыты, – деген аудан басшысы 2018 жылдың қорытындысы бойынша аудандағы экономика мен әлеуметтік саланың барлық басым бағыттарында оң нәтижелерге қол жеткізілгенін нақты мысалдармен атап көрсетті.
2018 жылы аудан бюджетінің кіріс бөлігі 100,7 пайызға орындалып, бюджетке 1,3 миллиард теңге түскен. Ал, жергілікті бюджетке әкімшілік салық шеңберінде қосымша 26,6 миллион теңге түсті. Салық төлеушілермен жұмыс қорытындысы бойынша жалақы қоры 31,6 миллион теңгеге ұлғайып, жұмыс істейтін қызметкерлер саны 68 адамға көбейген.
Сондай-ақ, аудан әкімі әр ауылға және ауылдық округтердің жұмысына жеке-жеке тоқталды. Мәселен, 2018 жылы Егіндікөл ауы-лында 598 шаршы метр жеке тұрғын үй және облыс әкімдігінің қолдауымен Егіндікөлде 5 екі пәтерлі тұрғын үй пайдалануға берілген. Қазіргі уақытта жалға берілетін барлық тұрғын үйлер бірінші кезекте мұқтаждарға таратылмақшы.
Сонымен қатар, ауданда 34 шаруа қожалықтары мал шаруашылығымен айналысады. Ауданда 8,4 мың бас ірі қара мал, 2,8 мың бас жылқы, 8,1 мың бас қой мен ешкі бар. 2019 жылғы 1 қаңтарда мал мен құстың барлық түрлерінің орташа саны өткен кезең деңгейінде сақталуда, мал мен жылқы санын көбейту олардың төлдерін аман сақтау есебінен артуда.
Аудан әкімі сөзін қорытындылай келе, ауданның әлеуметтік-экономикалық дамуының оң қарқынын сақтау жолында тұрғындармен бірігіп, барлық күш-жігерді жұмсайтындығын және жұмыс өнімділігін арттыру, әлеуметтік саланы дамыту мен халықтың өмір сүру сапасын жақсартуда жаңа міндеттер жүзеге асырылатынын жеткізді.
Асылай ҚАДЫРҚЫЗЫ,
«Арқа ажарының» өз тілшісі.

Пікір қалдыру

Міндетті өрістер таңбаланған Обязательные поля помечены *