Ақмолалықтар «MITT–2019» халықаралық туристік көрмесінде

Мәскеу қаласында өтіп жатқан көрмеде Қазақстаннан Ақмола облысының туристік әлеуеті де таныстырылуда.

«MITT–2019» көрмесі әлемдегі ең ірі туристік көрмелердің бірі болып саналады. Көрме наурыздың 12-де басталып, 14-іне дейін жалғасатын болады. Бұл көрме халықаралық қоғамдастық тарапынан жоғары бағаланып отыр. Көрмеге жыл сайын әлемнің 190-нан астам елі мен өңірінен 2000-ға жуық компания қатысады.
– Көрмеде Қазақстан тарапынан жалпы аумағы 69 шаршы метр жеке көрме стенді ұсынылуда. Жерлестеріміз Қырғызстан және Өзбекстан елінің стендтерімен қатар орналасты, яғни, бірыңғай шығыс стилін сақтау мақсатында. Көрменің ресми серіктесі Қазақстан Республикасының Мәдениет және спорт министрлігі және «Kazakh Tourism» ұлттық компаниясы» акционерлік қоғамымен бірлесіп, туристік индустрия мен туризм бизнесі өкілдеріне арналған қаражат бөліп отыр. Экспоненттерге арналған алғышарт – жоғары сапалы таратылымдар мен қалыптасқан туристік өнімнің болуы, – дейді облыстық туризм басқармасы.
Сонымен қатар, көрме шеңберінде ақмолалық танымал палуан Сергей Цырульников Қазақстан мен Ақмола облысының атынан өнер көрсетіп, ерекше әсерлі шоу ұсынбақшы. Бұдан бөлек, Ақмола облысының делегациясы отандық және халықаралық нарықтардағы туризм индустриясының өкілдерімен бірқатар кездесулер және келіссөздер жүргізуді жоспарлап отыр.

«Арқа ажарының» өз ақпараты.

Пікір қалдыру

Міндетті өрістер таңбаланған Обязательные поля помечены *