Тәрбиешілердің еңбегіне ризамыз

«Жаста берген тәрбие жас шыбықты игендей» деп дана халқымыз текке айтпаған ғой. Баланың отбасында ата-анадан алатын тәрбиесімен қатар, балабақшадағы тәрбиенің де маңызы зор екені сөзсіз.

Осы ретте біз «Қарлығаш» балабақшасының №9 «Арай» тобының ата-аналар комитетінің атынан топ тәрбиешілері – Гүлнәр Сайранқызы, Ғалия Алғалиқызы және Алма Хамитқызына балаларымыздың еліміздің абыройлы, білімді азаматтары мен азаматшалары болып өсуі үшін сіңіріп жатқан адал еңбектеріне зор алғысымызды айтқымыз келеді. Әр мереке сайын балабақшада тәрбиешілердің ұйымдастыруымен өтетін ертеңгіліктер бүлдіршіндерге көтеріңкі көңіл-күй сыйлап қоймай, ұйымшылдыққа, өнер мен білімге, үлкенге құрмет, кішіге ізет көрсетуді үйретеді. Тек, осындай ертеңгіліктерден ғана емес, балаларымыз күн сайын үйге сондай жақсы бір ынтамен оралады.
Жуырда балабақшада Халықаралық әйелдер мерекесіне орай өткізілген тамаша ертеңгілікті ерекше атап өткіміз келеді. Балаларымыз сол кеште өлең де айтты, әндерді де орындады, би де биледі. Мұның барлығы бала бойындағы қабілетті ашып, келешекте мектепке барғанда да оң пайдасын тигізетіні анық. Тәрбиешілерге еңбектеріңіз жана берсін деп тілек айтамыз!
№9 «Арай» тобының ата-аналары.

Пікір қалдыру

Міндетті өрістер таңбаланған Обязательные поля помечены *