Ғалымдар жаңа ізденістер жолында

А.И.Бараев атындағы ауыл шаруашылығы ғылыми-өндірістік орталығының дәнді және бұршақты дақылдар зертханасында институт ғалымдары шығарған сорттардың түпнұсқалығын анықтау мақсатында бұршақ пен жасымық сорттарына зерттеу жүргізілуде.

Ауыл шаруашылығы дақылдарының тұқымдық мақсаттарға пайдаланылатын барлық сорттары толық пісу фазасында апробациядан өткізіледі. Апробациялық бауларды іріктеу егістік дала арқылы ең үлкен диагональда өту және өсімдіктердің қажетті санын тең аралықта жинап алу әдісімен жүргізіледі.
Апробациялық бауларда бұршақтың статус, касиб, өріс және жасымықтың крапинка, шырайлы, сакура сорттары бар. Ендігі кезекте толық талдау нәтижелеріне сай апробация актісі толтырылады.
Осы жұмыстардың бәрі институт ғалымдарының ауыл шаруашылығы дақылдарының жаңа сорттарын ойлап шығару, бұрынғы қолда барларының өнгіштік және шығымдылық әлеуеттерін арттыру мақсатында жүргізіп жатқан ғылыми- зерттеулерінің бір көрінісі. Бұл орайда, биылғы жылы сынақтан өткізіліп жатқан жоғарыда аталған сорттар осыған белгілі бір тың мәліметтер беруімен құнды.
«Арқа ажарының» өз ақпараты.
Шортанды ауданы.

Пікір қалдыру

Міндетті өрістер таңбаланған Обязательные поля помечены *