Сайттар арқылы есірткі сатуға жол берілмейді

Еліміздегі есірткі саудасына қарсы тұру үшін құқық қорғау органдарының қызметкерлері интернет кеңістігін үнемі қадағалап отырады. Осы уақытқа дейін есірткі сататын 4800 сайт бұғатталған.

Қазақстан Республикасы Ішкі істер министрлігінің ресми дерегі бойынша, елімізде жыл сайын маусым және қазан айлары аралығында есірткі қылмыскерлерінің іс-әрекетін тоқтату мақсатында «Көкнәр» жедел алдын алу шарасы өтеді. «Синтетиканы» саудалау жақсы табыс әкеледі, сондықтан қылмыскерлер түрлі айла-тәсілдерге барады. Мәселен, 9 шілдеде Алматы облысының Талғар қаласының пошта бөлімшесінде салмағы 110 грамм 7 экстази салынған пакеті бар 27 жастағы алматылық әйел ұсталды. Сәлемдеме әйелге Нидерланды Корольдігі атынан жіберілген. Сондай-ақ, тамыздың соңында Павлодар қаласында тінту кезінде ұрланған затты үйде сатушылардың бірінен 667 грамм «жылдамдық» психотропты заты табылды.
Байланыс құралдарының дамуына байланысты есірткі сатушылар тұтынушымен жүздеспей-ақ сауда жасауды қолға алған. Интернет-сайттардың көмегімен олар есірткі сатып, оны алдын ала келісілген орынға қояды. Тұтынушы мен сатушы бір-бірін көрмейді. Құқық қорғау органдарының қызметкерлері оларға қарсы тұру үшін интернет кеңістігін үнемі қадағалап отырады. Осы уақытқа дейін олар есірткі сататын 4800 сайтты бұғаттап, интернет-дүкендердің мекен-жайы бар 1200 граффитиді анықтады.
«Арқа ажарының» өз ақпараты.

Loading

Добавить комментарий

Ваш адрес email не будет опубликован. Обязательные поля помечены *

Өзге де жаңалықтар