37-інші минутта меймандар есеп ашты. Бұрыштан тебілген допты Антон Григорьев қақпаға баспен ұрып кіргізді. Ойынның екінші кезеңінде «Оқжетпес» командасының капитаны Әлібек Бөлешов есепті теңестірді. Александр Павловтың алаңнан қуылуы жерлестерімізге біраз қиындықтар тудырса да, матчтың 73-інші минутында Лука Роткович алаң иелерін алға шығарып еді. Алайда, қосымша уақыттың соңында меймандар қақпашы Цириннің қателігінен есепті теңестіріп кетті.
«Арқа ажарының» өз ақпараты.
