Коронавирустық карантин кезінде Бурабай ауданының «сервистiк әкiмдiгi» жұмыс істей бастады. Ашылу салтанатына облыстық сыбайлас жемқорлыққа қарсы қызмет басшысының бiрiншi орынбасары Арман Бердалин және аудан әкiмi Әсет Мұздыбаев қатысты.
Бұдан былай тұрғындар құрылыс, тұрғын үй-коммуналдық шаруашылық, жер қатынастары, ауыл шаруашылығы, бiлiм беру және әлеуметтiк салаларға қатысты мәселелер бойынша кеңестер мен қызметтердi «бiр терезе» қағидаты бойынша ала алады. Сонымен қатар, аудан әкiмi мен оның орынбасарлары «Оpen space» форматындағы кабинетте апта сайын азаматтарды жеке сұрақтарымен қабылдайды. Азаматтарды қабылдау, кеңес беру және мемлекеттiк қызметтердi көрсету онлайн режимде жүргiзiлуде.
Облыстық сыбайлас жемқорлыққа қарсы қызмет басшысының бірінші орынбасары Арман Бердалин: «Барлығымыз бiлетiндей, мемлекеттiк органдар мен ұйымдар өз жұмысын қашықтық форматына ауыс-
тыра отырып, халыққа түрлi қызметтер көрсетудi жалғастыруда. «Сервистiк әкiмдiктер» қызметтердi алудың жеделдiгi мен ыңғайлылығын қамтамасыз етуге, бюрократия мен сыбайлас жемқорлық тәуекелдерiн қысқартуға, сондай-ақ, халықтың мемлекеттiк органдарға деген сенiмiн арттыруға мүмкiндiк бередi деп есептеймiз. Ағымдағы жылдың соңына дейiн облыстың барлық өңiрлерiнде осыған ұқсас сервистiк әкiмдiк-
тердi ашу жоспарлануда», – деп атап көрсетті.
«Арқа ажарының» өз ақпараты.
Бурабай ауданы.
