Қазақстан бойынша 13 шілдеде жалпыұлттық Аза тұту күні өтті

Қазақстан бойынша 13 шілдеде жалпыұлттық Аза тұту күні өтті

Індеттен қаза болғандар құрметпен еске алынды

Қазақстан Республикасының Президенті Қасым-Жомарт Тоқаевтың өкімімен 13 шілде жалпыұлттық Аза тұту күні болып белгіленген болатын. Осыған орай түнгі сағат 00:00-ден бастап еліміздегі барлық Мемлекеттік Ту төмен түсірілді, деп хабарлады Ақорданың ресми сайты.

Ал бүгін Нұр-Сұлтан қаласының уақытымен сағат 12:00-де республика бойынша коронавирус пандемиясының құрбандарын бір минут үнсіздікпен еске алу жарияланды. Ақорда резиденциясының алдында Мемлекет басшысы Қасым-Жомарт Тоқаев коронавирус індетінен қаза тапқан азаматтарды құрметпен бір минут еске алды. Еске алу рәсіміне ҚР Парламенті Сенатының Төрағасы Мәулен Әшімбаев, Мәжіліс Төрағасы Нұрлан Нығматулин, ҚР Мемлекеттік хатшысы Қырымбек Көшербаев, ҚР Президенті Әкімшілігінің басшысы Ерлан Қошанов, Қауіпсіздік Кеңесінің хатшысы Әсет Исекешев, Президент Кеңсесінің бастығы Нұрлан Онжанов, Денсаулық сақтау министрі Алексей Цой қатысты.
Індет құрбандарын үнсіз еске алу рәсімі республиканың барлық аймағында өтті.

Пікір қалдыру

Міндетті өрістер таңбаланған Обязательные поля помечены *