Елордадағы жәрмеңкеге ақмолалық тауар өндірушілер 435 тонна ауыл шаруашылығы өнімін әкеледі

Елордадағы жәрмеңкеге ақмолалық тауар өндірушілер 435 тонна ауыл шаруашылығы өнімін әкеледі

2020 жылдың 26-27 қыркүйегінде Ақмола облысының ауыл шаруашылығы тауар өндірушілерінің қатысуымен жәрмеңке өтеді. «Хан Шатыр» сауда-ойын-сауық кешені жанындағы алаңда аймақтың ауыл шаруашылығы тауар өндірушілері 196,8 миллион теңгенің 435 тонна өнімін ұсынады, — деп хабарлайды ішкі саясат басқармасы.

Ақмола аграрийлері барлығы 75 тоннадан астам ет және шұжық өнімдерін, 330 мың дана жұмыртқа, 35 тонна сүт және сүт өнімдерін, 40 тонна ұн, 143,2 тонна картоп, көкөніс пен басқа да өнімдерді әкелуді жоспарлап отыр.

Қала тұрғындары мен қонақтары базар бағасынан 10-15% төмен бағамен 50-дан астам азық-түлік түрін сатып ала алады. Отандық тауарларды 2 қала мен 17 ауданнан 100-ден астам кәсіпорын ұсынады.

Пікір қалдыру

Міндетті өрістер таңбаланған Обязательные поля помечены *