Зейнеткерлер денсаулығын түзеп қайтты

Сандықтау ауданында қарттар мен мүгедектерді қолдау айлығы аясында бірқатар шаралар атқарылып, еңбек ардагерлері мен зейнеткерлерге құрмет көрсетілді.

Атап айтқанда, қарияларға арнап жеңілдікпен медициналық қызмет көрсету шаралары ұйымдастырылды. Сондай-ақ, 16 зейнеткер Щучинск-Бурабай курортты аймағы шипажайларына жолдама алды. Аудандық әкімдіктің қолдауымен ауыл шаруашылығы жәрмеңкесі ұйымдастырылып, арзандатылған бағамен азық-түлік тағамдары сатылды. Егде адамдарға қамқорлық көрсетуге жастар белсенді үлес қосуда. Аудандық ардагерлер кеңесінің төрайымы Бақытжамал Сейітжанова өз сөзінде курортты аймақта дем алып қайтқан зейнеткерлерді қарсы алғандарын айтты.
– Олар он күн бойы денсаулығын түзеп, табиғат аясында дем алды. Бұған тікелей көмек көрсетіп, демеушілік жасаған аудан әкімі Асқарбек Съезбекұлына өңір зейнеткерлері атынан алғысымды білдіремін, – дейді ардагерлер кеңесінің төрайымы бізбен әңгімесінде. Еңбек ардагері Вера Шулепова жоғары деңгейде ұйымдастырылған өз демалысының ұнағанын айтты.
– Әкімдік демалыс орнына жеткізуді және алып қайтуды ұйымдастырды. Шипажайда бой жазып, қуат алдық. Бассейнге түсіп, мен, массажбен, минералды сумен ем шара қабылдадық, – дейді ол. Ақмола облысында атқарылған барлық шара арнайы бекітілген жоспар аясында жүзеге асырылуда. Қарттарға көмек көрсетуге өңір кәсіпкерлері де өз үлесін қосып отыр.
«Арқа ажарының» өз ақпараты.

Loading

Добавить комментарий

Ваш адрес email не будет опубликован. Обязательные поля помечены *

Өзге де жаңалықтар