Қазақстанның көрнекті композиторы, Қазақстанның халық әртісі, мемлекеттік сыйлықтың иегері Кенжебек Күмісбековтың есімімен Нұр-Сұлтан қаласындағы көшелердің бірі аталынады. Ал, оның туған өңірі Қорғалжын ауданының орталығындағы мәдениет үйіне композитордың есімі беріліп, жерлестерінің қолдауымен еңселі ескерткіш орнатылды.
Ел арасында есімі кеңінен тараған аталмыш автордың «Фараби сазы», «Қорқыт туралы аңыз» атты музыкалық поэмалары өнерсүйер қауымның жүрегіне еркін жол тартқан. Сондай-ақ, ол жазған күйлер мен симфониялық поэмалар қазақ музыкасының тарихынан орын алды.
