Жалпыға міндетті оқу қорынан балаларға әлеуметтік көмек көрсету жөніндегі анықтамалар жұмыспен қамту орталықтарында беріледі

Ағымдағы жылдың қараша айының ортасынан бастап халықты жұмыспен қамту орталықтары (бұдан әрі – ХЖҚО) өтініш берушінің атаулы әлеуметтік көмек алушы болып табылмайтынын, бірақ табысы ең төменгі күнкөріс деңгейінен аз екенін растайтын анықтама ұсынатын болады. Бұл құжат жалпыға міндетті оқу қорынан оқушыларға әлеуметтік көмек көрсету үшін қажет.
Тиісті шешім ҚР Еңбек және халықты әлеуметтік қорғау министрлігі мен ҚР Білім және ғылым министрлігі өкілдерінің қатысуымен өткен кеңесте қабылданды.
Бұрын жоғарыда аталған көмекті көрсету үшін білім беру саласының әлеуметтік қызметкерлері өтініш берушілердің табыстары туралы мәліметтерді жинап, жан басына
шаққандағы орташа табысты өздері есептейтін еді.
Бұл қызметті ҚР Еңбек министрлігінің жетекшілігіне беру азаматтардың мемлекеттік органдарға жүгінуін азайтуға және білім беру саласындағы әлеуметтік қызметкерлердің жүктемесін жеңілдетуге мүмкіндік береді.
ХЖҚО ҚР Еңбек министрлігінің «Е-Халық» ақпараттық жүйесін пайдалана отырып, азаматтарға ең төменгі күнкөріс деңгейінен аз немесе одан жоғары табыс мөлшері көрсетілген анықтамалар беретін болады.
Осылайша ҚР Президенті Қасым-Жомарт Тоқаевтың цифрландыру жөніндегі тапсырмасын орындау аясында қызметті уақтылы және жеңілдетілген түрде алу қамтамасыз етіледі.

Пікір қалдыру

Міндетті өрістер таңбаланған Обязательные поля помечены *