Қоғамға керек заң

 «Ақмола Медиа Орталығында» Астана қаласында Тұңғыш Президент күніне орай ұйымдастырылған «Қайырымдылық керуені» акциясы туралы брифинг өтті.

Елордадағы Бейбітшілік және келісім сарайында өткен шарада қамкөңіл жандарға, мүгедек балаларға материалдық, рухани көмек көрсету жөнінде мәселе көтерілген. Қазақстан халқы Ақмола ассамблеясы жанындағы Аналар кеңесінің төрайымы Зере Қиықова мұндай акцияның маңызы зор екенін айтады.
Бірер күннен кейін елімізде «Қайырымдылық туралы» Заңның қолданысқа енетіні де брифингте мәлім болды. Осы заң қоғамға өте керек. Көмек көрсеткен меценаттар, кәсіпкерлер өздерінің қаржыларының қайда жұмсалғанын есеп талап ету арқылы біліп отырмақ. Бұл заңның орындалуын Қазақстан халқы Ассамблеясы қадағалайтын болады.
Жүздесуде Мемлекет басшысы Нұрсұлтан Назарбаевтың халыққа арнаған биылғы Жолдауы да қызу талқыланды. «Ақмола облысының орыс қауымдастығы» қоғамдық бірлестігінің жетекшісі Александр Артеменко маңызды құжатта келтірілген мақсат-міндеттер әр қазақстандыққа ортақ екендігін және оны орындау үшін бірлесіп жұмыс істеу қажеттігін айтса, басқа да қатысушылар осындай ой-пікірлерін ортаға салды.   
«Арқа ажарының» өз ақпараты

Loading

Добавить комментарий

Ваш адрес email не будет опубликован. Обязательные поля помечены *

Өзге де жаңалықтар