«Азаматтарға арналған үкімет» мемлекеттік корпорациясы облыстық филиалының әлеуметтік төлемдерді ведомствоаралық есептеу орталығы мен халыққа қызмет көрсету орталығының қызметкерлері өздері өткізген сенбілікте ағаш отырғызды.
Сенбілік барысында 1566 көшет отырғызылды. Облыстық «Әлеуметтік төлемдерді ведомствоаралық есептеу орталығы» департаментінің басшысы Виталий Городецкий аталған шараның «25 игілікті іс» акциясының шеңберінде өткізілгендігін айтып, қаламызды көгалдандыру мен көріктендірудің маңыздылығын және оған әр тұрғынның өз үлесін қосуы қажеттігін атап өтті. Сенбілікке қатысқандар бұл күні өздеріне тиесілі аумақты тазартып, көп қоқыс шығарды.
«Арқа ажарының» өз ақпараты.
