Ақмолалық жастар «Нұр Отан» партиясының Қазақстан Республикасының Президенттігіне Ұлт Көшбасшысы Нұрсұлтан Назарбаевтың кандидатурасын ұсыну туралы шешімін бірауыздан қолдады.
Қазақстан халқы Ақмола ассамблеясының жастар қанатының, жастар қоғамдық бірлестіктерінің өкілдері, жоғары және орта арнаулы оқу орындарының студенттері ұйымдастырған митингіде сөз сөйлеген белсенділердің айтуынша, қазақстандық жас буын еліміздің қол жеткізген бүгінгі жетістіктерін тек Елбасының есімімен байланыстырады. Облыстық жастар ресурстық орталығының директоры Тимур Ысқақов осындай пікірді тілге тиек етсе, «Көкшетау қаласының татар мәдени орталығы» қоғамдық бірлестігі жастар қанатының белсендісі Рамиль Дусумов облыс жастарының өз болашақтарына деген сенімдері зор екендігін атап көрсетті.
Митингке қатысушылар қолдарына Мемлекеттік Тулар мен әлеуметтік желілерде белгілі бір бастаманы қолдауды білдіретін «лайк» белгілерін көтеріп, алдағы Президент сайлауында бірауыздан Ұлт Көшбасшысына дауыс беретіндіктерін жеткізді.
«Арқа ажарының» өз ақпараты.
