Сайлауалды штабтар құрылмақшы

«Нұр Отан» партиясының Ақмола облыстық филиалында өткізілген брифингте ел Президенттігіне кандидат Нұрсұлтан Назарбаевтың облыстық қоғамдық сайлауалды штабын құру жұмыстарының басталғандығы айтылды.  

11 наурызда Астанада өткен партияның ХVІ съезінде нұротандықтардың алдағы сайлауда Президенттікке Елбасын ұсыну туралы шешімі бірауыздан қолдау тапқандығы белгілі. Осыған орай, өңірлерде сайлауалды штабтар құрыла бастады.
Облыстық штабты партия филиалы төрағасының бірінші орынбасары Ғалым Бекмағамбетов басқаратын болды. Оның ұйымдастырушылық-партиялық жұмыс бойынша орынбасары Сыбайлас жемқорлыққа қарсы күрес жөніндегі  облыстық қоғамдық кеңестің төрағасы, облыстық аурухананың бас дәрігері, облыстық мәслихат депутаты Серік Аяғанов, ал, қоғамдық-саяси жұмыс бо-йынша  орынбасары А.Мырзахметов атындағы Көкшетау университетінің президенті, облыстық мәслихат депутаты, филиалдың Саяси кеңес бюросының мүшесі  Сағынтай Елубаев, заңгерлік жұмыс бойынша орынбасары партияның Көкшетау қалалық филиалындағы Сыбайлас жемқорлыққа қарсы күрес жөніндегі қоғамдық кеңес төрағасы  Сайлаубек Жанашев   болмақшы.   
Жалпы, облыс бойынша сайлауалды жұмысқа 20 штаб атсалысқалы отыр. Президенттікке кандидаттың қоғамдық қабылдау бөлмелерін ашу да көзделуде.

Loading

Добавить комментарий

Ваш адрес email не будет опубликован. Обязательные поля помечены *

Өзге де жаңалықтар