Зейнекеш Мұхамедина 2012 жылдан бері Көкшетау қаласындағы іргелі кәсіпорындардың бірі – «Новопэк» серіктестігінде тігінші болып еңбек етіп келеді. Жұмсақ материалдардан түрлі сыйымдылықта қап тігетін оның жұмысы бір қарағанда қарабайырлау сияқты көрінгенмен, ыждаһаттылықты, кәсіби шеберлікті қажет етеді. Өйткені, әр қап белгіленген көлемде тігілуі керек және жұмыс сапасына ерекше көңіл бөлінеді. Полиэтиленнен тігілетін қаптар түрлі тауарларға, оның ішінде өндірістік заттарға да арналған. Сондықтан ол ұзақ мерзімге сақтауға лайықталған, сапалы болуы тиіс. Тігінші З.Мұхамедина осындай жоғары талап деңгейінде жұмыс істеп, жақсы қырынан көзге түсіп жүрген жан.
Суретті түсірген Берік Ескенов.
