Кезектен тыс Қазақстан Республикасы Президентінің сайлауын бақылау жөніндегі республикалық қоғамдық комиссия облыстық филиалының сайлау науқанындағы жұмысы «Ақмола Медиа Орталығында» өткен брифингте кеңінен сөз болды.
Қазақстан халқы Ассамблеясының мүшесі Ғосман Төлеғұл жетекшілік ететін облыстық филиал мүшелерінің құрамына өңіріміздің бірқатар белгілі тұлғалары енген. Олар сайлаудың демократиялық жолмен, әрі заңға сәйкес өтуіне ықпал ету секілді жұмыстармен айналысатын болады. Мәселен, жақын арада жергілікті бақылаушылармен семинар-тренингтер өткізу жоспарланып отыр. Президент сайлауына шетелден 400-ге тарта бақылаушы келеді деп күтілуде. Біздің облысымызға әзірше АҚШ және Финляндия мемлекеттерінен екі бақылаушы келіп, өз жұмыстарын бастап кеткен. Брифингте өңірімізде тіркелген 808 сайлау учаскелерінде кемінде бір-бір бақылаушыдан болатыны айтылды.
«Арқа ажарының» өз ақпараты.
