Таяуда Көкшетау қаласында белгілі журналист-жазушы, қоғам қайраткері Жанайдар Мусиннің туғанына 80 жыл толуы кеңінен аталып өтті. Құтты шаңырағының қабырғасындағы ескерткіш тақтаға гүл шоқтары қойылды, ғылыми конференция өткізілді.
Біз үшін өз заманында қазақ баспасөзі мен әдебиетіне мол үлес қосқан Жанайдар Баймырзаұлының есімі ел есінде сақталуы мақсатында осындай ауқымды шара өткізу жан тебірентерлік жағдай еді. Шынын айтқанда, мұндай іс-шара облыс басшылары, ел азаматтары білек сыбана кірісіп, жанашырлықпен көмек қолын созбаса әлдеқалай болар еді. Сондықтан, асыл азаматымыздың аруағын сыйлаған, еңбегін ескерген адамдарға алғыс лебізімізді білдіруді парызымыз деп білеміз.
Осы орайда, алдымен облыс әкімі Сергей Кулагинге, облыс әкімінің орынбасары Нұрлан Нұркеновке, Қазақстан Республикасы Парламенті Сенатының депутаты Жабал Ерғалиевке, Көкшетау қаласының әкімі Ермек Маржықпаевқа, Көкшетау қалалық мәслихатының хатшысы Боранбай Бегалинге, облыстық ішкі саясат басқармасының басшысы Айна Мысырәлімоваға, Жанайдар Мусин атындағы Көкшетау қазақ педагогикалық колледжінің директоры Нұртас Ахат пен осы оқу орнының ұжымына, ғылыми конференцияны өткізуге ғимаратын беріп, жанашырлық танытқан Шахмет Құсайынов атындағы облыстық қазақ музыкалық-драма театрының басшысы Марал Жақыповаға, жазушы шығармаларының электрондық нұсқасын шығарған Мағжан Жұмабаев атындағы облыстық әмбебап-ғылыми кітапханасының қызметкерлеріне, облыстық және қалалық ардагерлер кеңестеріне, облыстық «Арқа ажары», «Акмолинская правда», қалалық «Көкшетау», «Степной маяк», тәуелсіз «Бұқпа!» газеттерінің ұжымдарына, Петропавл қаласынан арнайы келген «Қызылжар ақпарат» серіктестігінің директоры Кәрібай Мұсырманға, мемлекеттік кірістер комитетінің Солтүстік Қазақстан облысы бойынша департаменті басшысының экономикалық тергеу жөніндегі орынбасары Қонысбек Ибраевқа ақ алғысымызды жолдағымыз келеді.
Осы шараға қатысып, Жанайдар Баймырзаұлының атына жылы лебізін білдірген, сөйтіп, аруағына айрықша құрмет көрсеткен бұрынғы Көкшетау облысының әкімі Қызыр Ыбыраевқа, еліміздің барша жақсылары мен жайсаңдарына, зиялы қауымға, Астана және Атбасар қаласынан келген құда-құдағиларымызға шын жүректен рахмет айтамыз. Игі қадамдарыңыз бен көмек-қолдауларыңыз сауаптан
болсын!
Ізгі ниетпен,
Жанайдар Мусиннің отбасы және туған-туыстары.
