Ана тәрбиесімен ұрпақ санасы қалыптасады

«Рухани жаңғыру» бағдарламасын жүзеге асырудағы Аналар кеңесінің рөлі» тақырыбында өткен республикалық форумда Қазақстан халқы Ассамблеясының Ақмола филиалы жанынан құрылған Аналар кеңесінің жұмыс тәжірибесі басқа аймақтарға үлгі ретінде ұсынылды....


Толығырақ...

Кеше Қазақстан Республикасының Президенті Нұрсұлтан Назарбаев Энергетика министрі Қанат Бозымбаевты қабылдады

Министр кездесуде Мемлекет басшысына жанар-жағармай нарығындағы қазіргі ахуал мен мұнай өңдеу зауыттарын жаңғырту барысы жөнінде мәлімделді.


Толығырақ...

Ұлт батыры – Кейкі Көкембайұлы

Кейкі батыр! Халқымыздың жадынан өшпеген, санасынан кетпеген Кейкі Көкембайұлы жастайынан аңшылығымен, мергендігімен және өжеттілігімен кеңінен танылған 1916 жылы Торғай көтерілісінің батыры болды.


Толығырақ...
123

Күнтізбе

« Қазан 2017 »
Дс Сс Ср Бс Жм Сб Жк
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Күнтізбе / Мұрағат

<< < Қазан 2017 > >>
Дс Сс Ср Бс Жм Сб Жс
            1
2 3 4 5 6 7 8
9 10 11 12 13 15
16 17 18 19 20 21 22
23 24 25 26 27 28 29
30 31          

Қонақ

Қазір 326 қонақ және Бірде бір тіркелген қолданушы жоқ сайтта отыр

Елгезектік – ерен қасиет

 

Адамдардың күн ұзақ бітпейтін  тіршіліктің қам-қарекетімен, өзінің мамандығына сәйкес қат-қабат шаруаларымен қанша шақырым жол жүргенін есептейтін аппарат болса. Әлгі ақылды аппарат аудан орталығының оңтүстік батыс жағында, 18 шақырым жердегі Львовское селосындағы фельдшерлік-акушерлік пункттің меңгерушісі Наталья Цепляеваның қажымай-талмай жүріп өткен жолын жүздеген шақырымға теңер еді.

 

Жол мұраты жету болса, Наталья Владимировнаның жол үстіндегі мұраты – етек-жеңі кең пішілген, төрт жүзге жуық адам тұратын елді мекеннің тұрғындарына, олардың денсаулықтарын қадағалап, басы ауырып, балтыры сыздағандарына көмек көрсету. Ет пен сүйектен жаралған пенде болған соң ауру-сырқаусыз тағы болмайды. Тіпті, кейде оқыс оқиғалар да орын алып жатады. Жалғыз фельдшер болған соң бұл жердегі ұғымда күндіз-түн дейтін өлшем жоқ.  Бір орында табан аудармастан отыз жылдан астам жұмыс істеп келе жатқан фельд-шер осындай жұмыс тәртібіне әбден көндіккен. Адамдар сенің ұйықтап жатқаныңды, алқынған ағзаның демалуы қажеттігін тосып тұра ма. Білімі мен білігін сынағандай айтып келмейтін аурудың дүмпуімен талай рет жекпе-жекке шыққан. Дәйім жеңіп келеді.
Өз басы бұл істе білім-тәжірибемен қатар, мейірімі мен аяушылық тәрізді сезімдер де керек деп есептейді. Онсыз дәтің қуат ала алмас еді. Тіпті, кейбір адамдар ауру жанына батып қиналып тұрса да, жылы-жылы сөйлесең жаны жадырап, сырқатын да ұмытып кетеді. Демек, медицина қызметкерінің мейірім-шапағаты сырқат адамның бойындағы иммунитетті күшейтетін әдемі әсер.  Жасыратыны жоқ, елді мекен тұрғындарының аудан орталығындағы емхана дәрігерлеріне көрінуінің өзі алдымен біраз уақытыңды алатын, қажыр-қайратыңды сарп ететін өнімсіз шаруа. Ауылдастарының жай-күйін үнемі ойлап отыратын фельдшер алдын ала жасалған, бас дәрігер бекіткен кесте бойынша ауруларды дәрігерлерге көрсетуді оң жолға қойған. Оның үстіне аурудың алдын алу мәселесі бір сәт есінен шықпайды.
Фельдшерлік-акушерлік пункттің жұмысын ырғақты жүргізу мақсатында бір жылға тұтас емдеу, алдын алу шараларының жоспары жасалған. Жоспарда шараның атауы, орындалатын уақыты тап-тұйнақтай түзілген. Ұзақ жылғы тәжірибенің арқасында жұқпалы аурулардың алдын алу жайы-мен де жақсы таныс. Осы орайда, ең бірінші тұрғындармен тұрақты жұмыс жүргізеді. Әр ісіне жоғары жауапкершілікпен қарайтын фельдшер қызмет орнында қажетті дәрі-дәрмектің болуын да қатаң ескереді.  Осындай ілкімді істері үшін селоның барша тұрғыны Наталья Цепляеваға дән разы. Үнемі алғыс айтудан жаңылған емес. Ал, алғыс ең үлкен мәртебе.
Б.ҚАЙЫРЛИН.
Жарқайың ауданы.    

Кіру саны

  • Қолданушылар : 2
  • Материалдар : 7143
  • Сілтемелер : 9
  • Материалды қарау саны : 4340596