Күнтізбе

« Қазан 2017 »
Дс Сс Ср Бс Жм Сб Жк
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Күнтізбе / Мұрағат

<< < Қазан 2014 > >>
Дс Сс Ср Бс Жм Сб Жс
    1 2 3 4 5
6 7 8 10 11 12
13 14 15 16 17 18 19
20 21 22 23 24 25 26
27 28 29 30 31    

Материалдар

Қажетті шөп қоры жасалуда

Облыстық ауыл шаруашылығы басқармасының мәліметі бойынша биыл өңір пішеншілері 118,4 мың тонна, яғни, біржылдық шөп қорын дайындауды жоспарласа, бүгінгі күнге дейін 1033,4 мың тонна шөп дайындалып, маяларға салынды.

Бұл – қолда бар мал үшін қажетті біржылдық шөп қорының 92,4 пайызы. Бүгінгі таңда Атбасар, Бұланды, Жарқайың және Шортанды аудандарының пішеншілері жоспарланған шөп қорын толық да-йындап үлгерсе, Қорғалжын, Зеренді және Ақкөл аудандары бұл науқандық жұмысты аяқтауға жақын.
  Ерейментаулықтар негізінен мал шаруашылығымен айналысып, 44,3 мың бас ірі қара, 26 мың жылқы мен 105,5 мың қой-ешкі бағады. Бұл облыс бойынша ең жоғары көрсеткіш. Шаруашылықтардың қыстан қысылмай шығуы үшін мал азығын мол дайындау қажет. Аудандық ауыл шаруашылығы бөлімінің басшысы Абылай Иманжүсіповтың айтуынша, биылғы жылы жергілікті пішеншілер 124 мың тонна шөп дайындауды жоспарлаған. Қазір 115 мыңға жуық тонна шөп маяларға салынды. Бұл қажетті мал азығының 92,5 пайызы. Олжабай батыр ауылдық округінің әкімі Қасымхан Хабжәлел өз сөзінде округте он екі шаруа қожалығы, «Бақат», «Береке-2017», «Қызыл қайың» және «Новокаменка» ауыл шаруашылығы өндірістік кооперативтері мен жеке тұлғалар мал шаруашылығымен айналысатынын айтып өтті. Мұнда 6 мыңға жуық ірі қара, 7 мыңға жуық қой және 1,5 мың жылқы бағылады. Осы мал үшін биылғы жылы жоспарланған 11,9 мың тонна шөп толық дайындалды. Жоспар орындалса да науқандық жұмыс одан әрі жалғасуда. Пішеншілер бір жарым жылдық шөп қорын дайындауды межелеген. Сондай-ақ, Еркіншілік ауылдық округі 16,3 мың тонна, Күншалған  ауылдық округі 5,6 мың тонна шөп дайындап үлгерді. Бүгінгі таңда ерейментаулықтар біржылдық және көпжылдық шөпті шабуға кірісті.
Рамазан БАЯҚҰЛЫ.
Ерейментау ауданы.

Кіру саны

  • Қолданушылар : 2
  • Материалдар : 7143
  • Сілтемелер : 9
  • Материалды қарау саны : 4338770