Астанада Отан қорғаушы күні мен Ұлы Отан соғысындағы Жеңістің 70 жылдығына арналған әскери шеру халқымыздың рухын көтеріп, еліміздің абыройын асырған шараға ұласып, мызғымас беріктігіміз мен айбындылығымыздың жарқын көрінісіне айналды. Әскери шеру 
барысында Мемлекет басшысы – Қарулы Күштердің Жоғарғы Бас Қолбасшысы Нұрсұлтан Назарбаев барша қазақстандықтарды, соғыс ардагерлері мен әскери шеруге қатысушыларды Отан қорғаушы күнімен және Ұлы Жеңіс мерекесімен құттықтап, елімізге татулық пен тыныштық тіледі.
