Облыстық балалар ауруханасының бас дәрігері Серік Ақшаловтың айтуынша, күрделі жөндеу жұмыстары екі емдеу мекемесінде 2017 жылдың сәуір айында басталды. Бұрын-соңды тек таңдаулы бөлімшелерде ғана жасалған ішінара жөндеу жұмыстары жүргізілген.
Мұндай ауқымды қайта қалпына келтіру шаралары аурухананың ашылған кезінен бастап 30 жыл ішінде бірінші рет өткізіліп жатыр деп хабарлайды өңірлік коммуникациялар қызметі.
Емхананың үшінші қабатында жөндеу жұмыстары жүргізілді. Ал, сала мамандарының қабылдау жұмыстарын жүргізетін екінші қабатта жөндеу жүргізілуде. Сонымен қатар, алты қабатты ғимараттың бірінші қабатында дәріхана мен зертхана салу жоспарлануда. Төртінші қабатта травмотология бөлімін қалпына келтіріп, баспалдақтар толықтай қайта жасалады. Сондай-ақ, жылу жүйесі, су құбырлары жөнделді. Биылғы жылдың қазан айының екінші жартысында ауқымды жұмыс аяқталады деп күтілуде. Жалпы, балалар емханасының жөндеу жұмыстарына облыстық бюджеттен 443,847 миллион теңге бөлінді.
«Арқа ажарының» өз ақпараты.
Көкшетау қаласы.
