«Сыбаға» бағдарламасы бойынша несиеге сатып алынатын мал мен жабдықтар кепілдік ретінде қабылданатынын бұдан бұрын да хабарлаған болатынбыз.
Енді несиелеудің шарттары жеңілдеп, шаруалар асыл тұқымды ірі қара малды ғана емес, сонымен қатар, тауарлық жергілікті Ауыл шаруашылығы министрлігі әзірлеген мал шаруашылығын дамытудың салалық бағдарламасы отандық мал басын көбейту, малдың сапасын жақсарту мен қазақстандық ет экспортын арттыруды қарастырады. «Ауыл шаруашылығын қаржылай қолдау қоры» акционерлік қоғамы «Сыбаға» бағдарламасы аясында шаруашылықтарды несиелендіреді.
Несиелер импортталған ірі қараның аналық мал басын сатып алуға, ұсақ мүйізді мал мен негізгі құралдарды сатып алуға беріледі.
– «Сыбаға» бағдарламасы бойынша қаржыландырылған шаруашылықтар сатып алынған активтерді – малды, техниканы, жабдықтарды кепілдік ретінде қоя алады,– дейді «Ауыл шаруашылығын қаржылай қолдау қоры» акционерлік қоғамы басқарма төрағасының орынбасары Думан Оспанов. Бұрын тек асыл тұқымды мал қабылданған болса, бүгінгі күні несиелеу ережелеріне өзгерістер енгізілді. Кепілдіктің 50 пайызына дейін ірі қара мал алынады. Бұл өзгеріс қарыз алушылардың кепілдік жүктемесін төмендету үшін жасалынған. Жақында Бұланды ауданының «Ел-Хан» серіктестігі асыл тұқымды 100 бас ангус малын әкелді. Олардың алпысы, сондай-ақ, «Беларусь» тракторы мен пресс-жинақтағыш біздің қордың көмегімен алынды. Өзге 40 бас сиырды өз қаржысына сатып алды. Асыл тұқымды мал «Терра» серіктестігінен әкелінді. Бұл ірі мал бордақылау алаңы «Аграрлық несие корпорациясының» қолдауымен американдық ангустарды осыдан екі жыл бұрын АҚШ-тан алып келген. Олардан алынған сапалы төл қазір жергілікті мал фермаларына сатылады. Шетелден мал сатып алған шаруашылық әрбiр мал басы үшін 225 мың теңге субсидия алады. Мемлекет тарапынан қолдаудың тағы бір тетігі – бұқаларды бордақылау алаңдарына жеткізуге төленетін субсидия. Малдың бір килограмына 200 теңгеден төленеді.
Әлия ЕҢСЕБАЕВА,
«Ауыл шаруашылығын қаржылай қолдау қоры» акционерлік қоғамының баспасөз хатшысы.
