Ақмола облыстық әкімдігі ағымдағы жылдың қыркүйек және қазан айларында әлеуметтік маңызы бар азық-түлік тауарларының облыстық тұрақтандыру қорын қалыптастыру үшін бюджеттен қаржы бөлді.
«Есіл» әлеуметтік-кәсіпкерлік корпорациясы» АҚ мамандандырылған ұйымы өңірлік тұрақтандыру қорына бірінші сұрыпты бидай ұны, қарақұмық жармасы, күріш, сары май және күнбағыс, картоп, сәбіз сияқты азық-түлік тауарларын сатып алды.
Көкшетау қаласында бағаны тұрақтандыру және оның негізсіз өсуін болдырмау үшін «Қамқор» коммуналдық павильонында
28 қарашадан бастап Ақмола облысының тұрақтандыру қорының азық-түлік тауарлары сатыла бастады. Қазіргі уақытта мұнда сатылып жатқан қарақұмық жармасының бір келісі 267 теңге, күріштің бір келісі 280 теңге, ал, күнбағыс майының бір литрі 380 теңге тұрады.
Жақын арада тұрақтандыру қоры есебінен сары май, картоп, сәбіз де сатыла бастайды. Бұл өнімдердің бәрі бір келіден өлшеніп салынған күйінде сатылады.
Павильон таңертеңгі сағат 9.00-ден кешкі 19.00-ге дейін жұмыс істейді. Демалыс күні – дүйсенбі.
