«Protecting Business and Investments» жобасы аясында сыбайлас жемқорлыққа қарсы іс-қимыл жөніндегі Ақмола облыстық департаментінің «Anticor ortalyǵy» сервистік орталығының алаңында облыстың ірі кәсіпорындарының басшыларымен іскерлік кездесу өтті.
Кездесу барысында департамент басшысы Мұрат Төлеубаев бизнес-қауымдастық өкілдеріне сенім мен өзара ынтымақтастық үшін алғысын білдіріп, бизнес өкілдерін шенеуніктер тарапынан кез-келген қысымнан қорғауға барынша жәрдемдесетінін айтты.
Айта кету керек, бұдан бұрын жоба аясында департамент «Кокшетауминводы» АҚ, «Тыныс» АҚ, «Новопэк» ЖШС, «Камаз Инжиниринг» АҚ, «Бижан» ЖШС, «Намыс» ЖШС, «Көкшетау автобус паркі» ЖШС, «Нәтиже» сүт фабрикасы» ЖШС, «Виччи» ЖШС, «Сафди» ЖШС, «Пробилд» ЖШС, «СТ Жилстрой» ЖШС сияқты кәсіпорындармен 28 келісімге қол қойған болатын.
Енді сыбайлас жемқорлыққа қарсы сүйемелдеумен қамтылғандар қатарына «Айдабол Көкше» ЖШС, «Натур продукт» ЖШС, «Восток Моторс» ЖШС кәсіпорындарының инвестициялық жобалары қосылды, олардың басшылығы әкімшілік кедергілердің алдын алуға және облыста оң іскерлік ахуал құруға үміт білдірді.
Барлық қызықтырған мәселелер мен өзара тиімді ынтымақтастық жөніндегі алдағы жоспарларды талқылай келе, кездесуге қатысушылар бірлескен қызмет туралы келісімдерге қол қойды.
«Арқа ажарының» өз ақпараты.
