Қазақстан Республикасы Конституциясының 1-бабына сәйкес, Қазақстан Республикасында адам, оның өмірі және денсаулығы мемлекеттің ең қымбат қазынасы болып табылады.
Мемлекет басшысы азаматтардың өмірі мен денсаулығын қорғау мақсатында ағымдағы жылы 15 сәуірге дейін Қазақстан Республикасының бүкіл аумағында төтенше жағдай енгізді.
Осыған байланысты азаматтардың өмірі мен денсаулығына қауіпті барынша азайту мақсатында Ақмола облысының соттарында азаматтарды жеке қабылдау іс-шарасын өткізу мерзімі белгісіз уақытқа дейін шегерілді. Сонымен қатар, азаматтардан сотқа өтініштерді, істер мен материалдарды беруді неғұрлым кешірек мерзімге кейінге қалдыруды сұраймыз.
Соттар өндірісіндегі барлық істер бойынша сот отырыстарын өткізу, оларды мүмкіндігінше тоқтата тұру, кейінге қалдыру, мерзімін ұзарту арқылы төтенше жағдай мерзімі аяқталғаннан кейін тағайындалатын болады. Мұндай процестік мүмкіндік болмаған жағдайда, сот процестері қашықтықтан, электрондық технологияларды қолдана отырып, тіпті болмаған жағдайда жабық сот отырысы тәртібінде өткізіледі.
Қысқартылған мерзімге қатысты істердің қаралуы барынша оқшауланған және процеске тартылған іс жүргізуге қатысушылардың қауіпсіздігі жағдайында жүзеге асырылады.
Жарияланған төтенше жағдайдың талаптарын сақтау және азаматтардың арасында вирустың таралуының алдын алу мақсатында облыс соттарымен барлық сақтандыру шаралары қолданылуда. Ақмола облысының барлық тұрғындарын алдын-алу іс-шараларын сақтауға шақырамыз!
Ақмола облыстық соты.
