Коронавируспен ауырмаудың тиімді әдістерінің бірі – екі метрлік әлеуметтік арақашықтықты сақтау. Коронавирус түшкіргенде және жөтелгенде микроскопиялық тамшылармен оңай беріледі. Сонымен қатар, вирус күнделікті байланыста, мысалы, қол алысу, жалпы заттарды пайдалану немесе бетті бетпердеге тигізу арқылы таралуы мүмкін.
Сондықтан, коронавирустың таралуын бәсеңдету және COVID-19 пандемиясын жұқтыру қаупін азайту үшін басқа адамдардан кем дегенде 2 метр арақашықтықта болу керек. Науқас болмасаңыз да физикалық қашықтықты сақтау керек.
Бұл ретте келесі ережелерді есте ұстау керек: мүмкіндігінше үйде болыңыз, қоғамдық орындарға барудан аулақ болыңыз: дүкендерге, спорт залдарға, кинотеатрларға және мейрамханаларға топтасып жиналмаңыз, басқа жолаушылардан қауіпсіз қашықтықты сақтаңыз, әсіресе қоғамдық орындарға барғаннан кейін қолыңызды үнемі және мұқият жуыңыз.
Қарағанды медициналық университетінің клиникалық фармакология және дәлелді медицина кафедрасының меңгерушісі, медицина ғылымдарының кандидаты, профессор Шолпан Қалиеваның айтуынша, коронавирустың әсерінен дұрыс қорғану үшін сіз үш маңызды ережені сақтауыңыз керек: маска кию, әлеуметтік арақашықтықты сақтау және дезинфекциялау. Сондай-ақ, «Егер сіз қауіпті дертті жұқтырған адаммен тығыз байланыста болсаңыз, коронавирусты болдырмауға бола ма?» деген сұраққа да нақты жауап: «Вирус өте жұқпалы. Бұл оның инфекциялық қаупінің жоғары екенін білдіреді. Егер біз, мысалы, науқас адаммен кездескен болсақ, онда екі метр қашықтықты сақтауымыз керек. Түшкіру кезінде вирустың таралуын анықтайтын эксперимент жүргізілді. Бұл қашықтық 1,5 метрді құрайды. Бірақ, орташа қауіпсіз қашықтық екі метр деп саналады. Егер сіз науқас адаммен кездесіп, екі метр қашықтықты сақтасаңыз, ол да, сіз де маска киіп жүрсеңіз, инфекциядан аулақ бола аласыз. Бірақ, бұл бәрібір жеке жағдайларға байланысты. Айталық, егер адамның иммунитеті төмендеп, ағза инфекцияға бейім болса, онда барлық алдын-алу шараларын жасаған күнде де сіз қауіпті дертті жұқтырып аласыз» дейді Шолпан Қалиева.
«Мен коронавирустық инфекциямен өзім ауырдым және бұл туралы білмедім. Сондықтан, отбасыммен және достарыммен ауырып жүріп жақын байланыста болдым. Осыдан кейін менімен бір пәтерде тұратын жақын адамдарым ғана ауруды жұқтырды. Ал, маған хабарласқан, бірақ, қашықтықты сақтап, бетперде киген адамдар ауырған жоқ. Біз олармен бір көлікте болып, арақашықтықты сақтадық».
Бұған дейін де Қазақстан Республикасы Денсаулық сақтау министрлігі Ұлттық денсаулықты нығайту орталығының басшысы Жазира Ембердиева аурудың алдын алу үшін санитарлық нормаларды сақтаумен қатар, дұрыс тамақтану керек екенін айтқан болатын.
Асылай ҚАДЫРҚЫЗЫ.
