Токио Олимпиадасы 23 шілде мен 8 тамыз аралығында өтеді деп күтілуде. Шара бұрынғы Олимпиада шараларына қарағанда мүлдем өзгеше болатындығы белгілі болды. Көрермендер, спортшылар мен делегациялардың жүріс-тұрыс ережелерінің толық жиынтығы сәуір айында жарияланады. Бірақ, стадиондар мен іс-шаралар өткізу кезінде әндерді қатты айқайлап айтуға тыйым салынатыны белгілі болды. Еске салсақ, Токио үкіметі жүргізілген сауалнамаға сәйкес, алдағы жылдың жазында өтетін Олимпиада және Паралимпиада ойындары еріктілерінің 79 пайызы жаңа коронавирустың таралуына қатысты алаңдаушылық танытқан.
