Ақмолалық оқушы республикалық ғылыми жарыста топ жарды

Алматы қаласындағы «Бөбек» ұлттық ғылыми-практикалық, білім беру және сауықтыру орталығы обсерваториясының ұйымдастыруымен 2021 жылғы 18-25 сәуір аралығында мектеп оқушыларына арналған Төкен Омаров атындағы республикалық ғарыштық физика мен астрономиядан ғылыми жарыс өткізілді.

Облыстық білім басқармасының мәліметінше, ғылыми жарыстың негізгі мақсаты – жаратылыстану білімдерін насихаттау, астрономия және онымен байланысты ғылымдарға ғылыми жол табу болып табылады.

«Облысымыздан аталған жарысқа экология және космонавтика секциясы бойынша қатыстым. Жобаның тақырыбы: «Зымыран – тасығыштарды қоршаған ортаға зиянсыз ғарыш кеңістігіне шығару әдістерін зерттеу» — деп бөлісті Нұр-Сұлтан қаласындағы дарынды балаларға арналған №2 облыстық мамандандырылған мектеп-интернатының 10-сынып оқушысы Бектұрған Бақмұхаммед.

Республикалық ғарыштық физика мен астрономиядан ғылыми жарыстың қорытындысы бойынша Бектұрған Бақмұхаммед жүлделі III дәрежелі дипломмен марапатталды.

226 Total Views , 1 Views Today

Добавить комментарий

Ваш адрес email не будет опубликован. Обязательные поля помечены *

Өзге де жаңалықтар