Соңғы жылдары сотталғандардың өтініш-тілектері мен арыз-шағымдары Ақмола облысы прокуратурасының ерекше бақылауында болып келеді.
Осылайша сотталғандар мен олардың туған-туыстарының мәселелерін жедел шешу мақсатында облыс прокуратурасы мекемелерге өтініштер бойынша алгоритм мен жадынамалар дайындап, жолдады.Алгоритмге сәйкес, қадағалаушы прокурорлар күн сайын сотталғандарға жеке қабылдау жүргізеді және апта сайын сотталғандардың өтініштері бойынша мекеме басшыларының тыңдауын өткізеді.
Мекеме бастықтарының кезекші көмекшілері күн сайынғы тексеру барысында қадағалаушы прокурорға бейнежазба ұсына отырып, мекеме қызметкерлерінің іс-әрекеттеріне не әрекетсіздіктеріне шағымдардың бар-жоғы тұрғысынан бейнетіркегіштерді пайдалана отырып, сотталғандарға сауалнама жүргізеді.
Бүгінгі күні Ақмола облысының прокуратурасы қабылдаған үйлестіру шаралары нәтижесінде жергілікті жерлердегі мекемелердің әкімшіліктері сотталғандардың шағымдарын, олардың заңды талаптарын қанағаттандыруды белсенді түрде шешуге қол жеткізді деп айтуға болады.Бұл ретте, сотталғандарға арналған арнайы жадынама мекемелердің барлық, көпшілік көретін орындарда орналастырылған.
Сондай-ақ, жергілікті жерлерде мекеме әкімшіліктері аумақтық прокурорлар тарапынан да толыққанды түсіндіру жұмыстары, оған адвокаттарды сотталушылардың туыстарын тарту бойынша жұмыстар жүргізілуде.
Осылайша 2022 жылдың жеті айында қабылданған шаралардың көмегімен сотталғандардың жергілікті жерлердегі өтініштерін шешу айтарлықтай жақсарды. Нәтижесінде прокуратура органдарына ғана емес, сонымен қатар, қылмыстық-атқару жүйесі департаментіне де түскен өтініштер саны үштен бірге азайды. Мекеме әкімшіліктерінің сотталғандардың шағымдарын жасыру фактілеріне жол берілген жоқ.
Ақмола облысы прокуратурасының баспасөз қызметі.
