Ауданның жолаушылар көлігі және автомобиль жолдары бөлімін тексеру барысында Қоянды ауылының кентішілік жолдарын салуға жалпы сомасы 2.2 миллиард теңгеге мемлекеттік сатып алу туралы конкурстың күшін жойды.
Тексеру барысында жоба бойынша жұмыстар 2020 жылы басталғаны анықталды, алайда, өнім берушінің міндеттемелерді орындамауына байланысты шарт бұзылды. Сонымен қатар, ағымдағы жылы мемлекеттік орган қайта конкурс жариялау кезінде аталған жобаның құнына іс жүзінде орындалған және бұрын төленген жұмыс түрлерін негізсіз енгізген.
Осы факт бойынша прокурорлық қадағалау актісі енгізіліп, мемлекеттік сатып алу туралы конкурстың күші жойылды, осылайша 400 миллион теңгенің мемлекеттің материалдық мүдделері қорғалды.
Целиноград ауданының прокуратурасы.
