Ақмола облысында жастардың жалпы санының 79 пайызы дене шынықтырумен және спортпен айналысады. Оның ішінде өңірдің спорт мекемелерінде 57 спорт түрі бойынша ұйымдастырылған секцияларға 18 мыңнан астам адам келеді.
Халықтың әлеуметтік осал топтары үшін спорттың қолжетімділігіне көп көңіл бөлінуде. Мысалы, облыс орталығында дене мүмкіндіктері шектеулі жандарға арналған «Мерген» спорт клубы жұмыс істейді, онда бүгінгі күні 255 адам шынығады. Дене шынықтыру және спорт саласы бойынша облысымызда дене мүмкіндіктері шектеулі 1706 адам бар, оның 500-ден астамы жастар.
Спортты дамытудың басым бағыттарының бірі инфрақұрылымды жаңғырту және жаңарту болып табылады. Осы ретте 10 ауданда 42 спорт алаңы ашылды.
–«Ауыл – ел бесігі» бағдарламасы аясында Жақсы ауданының Жақсы ауылында дене шынықтыру-сауықтыру және мәдениет кешенінің, сондай-ақ, Бурабай кентінде спорт кешенінің құрылысы жүргізілуде. Спорт ғимараттарының қолжетімділігі тұрғысынан спорт мектептерінде үйретілетін спорт түрлері бойынша ашылған секцияларда сабақтар бюджет қаражаты есебінен тегін негізде жүзеге асырылады, – деп хабарлады Ақмола облысы дене шынықтыру және спорт басқармасының басшысы Әсет Бүкібаев осы салаға қатысты өткізілген брифингте.
Камила ӘБДЕЛМАНОВА.
