Жуырда «Көкшетау» мәдениет сарайында Ақмола облысының әкімі Ермек Маржықпаев азаматтарды қабылдады. Осы маңызды іс-шараға облыс прокуроры да қатысты.
Ақмола облысының прокуроры Айдос Майлыбаевқа жеке қабылдауға 5 азамат келіп, жеке сот орындаушысының іс-әрекеттері, еңбек қатынастары, тұрғын үй-коммуналдық шаруашылық саласына қатысты және тағы басқа мәселелер бойынша жүгінді.
Қабылдау барысында облыс прокуроры бұл азаматтарды тыңдап, екі өтініш бойынша ауызша түсініктеме берді. Үш өтініш бақылауға алынды, олар бойынша облыс прокуроры Көкшетау қаласының прокурорына азаматтардың дәлелдерін тексеруді қамтамасыз етуді тапсырды.
Азаматтар әлі де болса, өз өтініштерін облыс прокурорына қолма-қол, «Қазпошта» АҚ байланыс бөлімшелері, электрондық үкімет порталы (ЭҮП) арқылы жібере алатыны туралы ескертеміз.
Ақмола облысы прокуратурасының баспасөз қызметі.
