– 14 сәуірде елордада және еліміздің 13 өңірінде қатты нөсер соңы қарға ұласып, бұршақ жауады, шаңды дауыл соғады, деп хабарлайды ҚазАқпарат «Қазгидромет» РМК-ға сілтеме жасап.
14 сәуірде Ұлытау облысында оңтүстік-шығыстан соққан жел оңтүстік-батысқа ауысады, күші 15-20, кей уақытта екпіні 25 м/с. Жезқазған қаласында 14 сәуірде оңтүстік-шығыстан жел соғып, бағыты оңтүстік-батысқа ауысады, екпіні 15-20 м/с.14 сәуірде түнде Батыс Қазақстан облысының оңтүстік-батысында, солтүстік-шығысында, күндіз солтүстігінде, солтүстік-шығысында қатты жаңбыр жауады. Облыстың оңтүстігінде, батысында найзағай ойнап, бұршақ жауады. Жел солтүстік-шығыстан, шығыстан соғады, түнде облыстың солтүстік-батысында, күндіз облыстың солтүстік бөлігінде 15-20, екпіні 23 м/с. Оралда 14 сәуірде күндіз қатты жаңбыр жауады. Жел солтүстік-шығыстан, шығыстан соғады, екпіні 15-20 м/с.Қостанайда 14 сәуірде жауын-шашын (жаңбырдың соңы қарға ұласады), бұрқасын, көктайғақ болады. Солтүстік-шығыстан жел соғады, күші 15-20, күндіз екпіні 25 м/с.
14 сәуірде күндіз Қызылорда облысының орталығында, оңтүстігінде найзағай ойнайды. Түнде облыстың солтүстігінде, орталығында, күндіз облыстың басым бөлігінде шаңды дауыл соғады. Жел оңтүстіктен, оңтүстік-батыстан соғады, күші 15-20 м/с, облыстың солтүстігінде, орталығында 23-28 м/с. Қызылорда қаласында 14 сәуірде кей уақытта шаңды дауыл болады. Жел оңтүстік-батыстан соғады, күші 15-20, күндіз екпіні 23 м/с.
14 сәуірде күндіз Қарағанды облысының солтүстігінде найзағай, бұршақ жауады. Оңтүстік-шығыстан, шығыстан жел соғады, облыстың орталығында, оңтүстігінде, шығысында күші 15-20 м/с, күндіз екпіні 25 м/с.
14 сәуірде кешке Түркістан облысының солтүстігінде, батысында найзағай жарқылдайды. Облыстың солтүстігінде шаңды дауыл болады. Оңтүстіктен, оңтүстік-батыстан жел соғады, облыстың батысында, солтүстігінде, таулы және тау бөктерлі аудандарында күші 15-20 м/с, күндіз кей уақытта екпіні 23-28 м/с. Шымкентте 14 сәуірде оңтүстіктен, оңтүстік-батыстан жел соғады, күндіз екпіні 15-20 м/с. Түркістанда 14 сәуірде күннің соңында найзағай ойнайды. Оңтүстіктен, оңтүстік-батыстан жел соғады, екпіні 15-20 м/с.
14 сәуірде Маңғыстау облысыныңоңтүстігінде найзағай ойнайды. Солтүстік-батыстан жел соғады, түнде облыстың батысында, оңтүстігінде 15-20 м/с, күндіз 15-20, облыстың солтүстігінде екпіні 25 м/с. Ақтауда 14 сәуірде солтүстік-батыстан жел соғады, екпіні 15-20 м/с.
Жамбыл облысының оңтүстігінде, таулы аудандарында қатты жаңбыр, найзағай, бұршақ жауады. Оңтүстік-шығыстан соққан жел оңтүстік-батыс желіне ауысады, 14 сәуірде күндіз — 15 сәуірде тәулік бойы облыстың оңтүстік-батысында, солтүстік-шығысында, таулы аудандарында 15-20 м/с, 15 сәуірде екпіні 23-28 м/с жетеді. Таразда 15 сәуірде күндіз найзағай ойнайды. Оңтүстік-шығыстан соққан жел оңтүстік-батыс желіне ауысады, 14 сәуірде күндіз — 15 сәуірде тәулік бойы, екпіні 15-20 м/с болады.
14 сәуірде Жетісу облысының солтүстігінде, шығысында оңтүстік-батыстан жел соғады, екпіні 15-20, кей уақыттарда 23-28 м/с.
14 сәуірде күндіз Атырау облысының солтүстігінде қатты жаңбыр жауады. Облыстың солтүстігінде, батысында, оңтүстігінде найзағай, бұршақ. Оңтүстік-батыстан жел соғады, облыстың басым бөлігінде екпіні 15-20, күндіз облыстың оңтүстігінде 23 м/с.
14 сәуірде Солтүстік-Қазақстан облысында жауын-шашын (жаңбырдың соңы қарға ұласады), жаяу бұрқасын, облыстың солтүстік-батысында көктайғақ, 15 сәуірде облыстың оңтүстік-шығысында қар, бұрқасын, көктайғақ күтіледі. 14-15 сәуірде облыстың солтүстік-батысында тұман. Солтүстік-шығыстан, шығыстан жел соғады, 14 сәуірде күші 15-20 м/с, облыстың батысында, оңтүстігінде екпіні 23-28 м/с. Ауа температурасы 14 сәуірде күндіз 0-5 жылы, облыстың солтүстік-батысында 3 градус аяз болады.
14 сәуірде Ақмола облысында жауын-шашын, облыстың солтүстік-батысында, оңтүстігінде қатты жауын-шашын (жаңбырдың соңы қарға ұласады). 14-15 сәуірде облыстың солтүстік-батысында, оңтүстік-шығысында тұман, көктайғақ күтіледі. Оңтүстік-батыстан соғатын жел солтүстік-шығысқа ауысады, 14 сәуірде түнде облыстың батысында, солтүстігінде, оңтүстігінде 15-20 м/с, күндіз 15-20 м/с, облыстың батысында, солтүстігінде, оңтүстігінде екпіні 23-28 м/с. Ауа температурасы 14 сәуірде күндіз 2-7, облыстың оңтүстігінде 10 градус жылы.
Астанада 14 сәуірде жаңбыр, кешке қатты жаңбырдың соңы қарға ұласады. Кешке көктайғақ болуы ықтимал. Оңтүстік-батыстан соғатын жел солтүстік-шығысқа ауысады, екпіні 15-20 м/с.
14 сәуірде Павлодар облысында күндіз жаңбыр, облыстың солтүстік-батысында жауын-шашын (жаңбыр соңы кешке қарға ұласады) жауады. Күндіз 14 сәуірде, 15 сәуірде тәулік бойы облыстың солтүстік-батысында тұман, көктайғақ болады. Оңтүстік-шығыстан соғатын жел солтүстік-шығысқа ауысады, 14 сәуірде түнде облыстың батысында, солтүстігінде, оңтүстігінде 15-20 м/с күндіз 15-20, облыстың батысында, солтүстігінде, оңтүстігінде екпіні 23-28 м/с.
