Жібек жолы ауылының №6 шағын ауданының маңында еріген қар суы деңгейінің жоғарылауына байланысты тұрғын үйлерді су басу қаупі туындады.
Тасқын суға тосқауыл қою жұмыстарын жалғастыру үшін жергілікті атқарушы органдар дереу 18 КамАЗ, 13 тиегіш және 6 экскаватор мен бульдозерді және адам күшін жұмылдырды.
Сонымен қатар, 9 сәуірде Қарағанды қаласының төтенше жағдайлар департаментінен көмекке 30 адам және 1 техника, сондай-ақ, Қазақстан Республикасы Төтенше жағдайлар министрлігі 52859 әскери бөлімінен 21 адам, 1 техника, Астана қаласынан Ұлттық ұлан бөлімінен 70 адам, 2 техника көмекке келді. Барлығы 2300 тонна инертті материал әкелініп, 35 мың қап дайындалып, төселді.
Су тасқынына қарсы жұмыстарды жүргізу үшін жергілікті тұрғындардан 200 адам мен 55 еріктінің де көмекке келгенін атап өткен жөн. Сонымен бірге, олар әскери қызметшілер мен құтқарушыларға ыстық шай мен ыстық тамақ әзірлеп алғыстарын білдірді.
Су тасқынына қарсы жұмыстар тәулік бойы жүргізілуде және ол жергілікті атқарушы органдардың, сондай-ақ, Аршалы ауданының төтенше жағдайлар бөлімінің тұрақты бақылауында.
Ақмола облысы әкімінің баспасөз қызметі.
