Атбасар ауданының әкімі Аманбек Қалжанов мемлекеттік мекеме, ұйым, кәсіпорын басшыларының қатысуымен жедел кеңес өткізді.
Кеңесте, аудан әкімі, атаулы көмекті төлеудің нақты тізімі бүгін белгілі болатынын жеткізді.
Ауданда төтенше жағдай жарияланды. Қаланың 19 көшесі су астында қалды.
Адамдар эвакуацияланды. Су тасқынының зардаптарын жою және апаттан келген шығынды анықтау мен өтеу бойынша комиссиялар құрылды.
Жиында су басқан аумақты айналып өтіп, су басу шекарасын анықтауға жауаптылар анықталып, алдағы уақытта атқарылатын іс-шаралар жоспары жасалды.
