Ақмола облысының бірқатар өңірлерінде тәулік бойы зардап шеккендерді қолдау және су тасқыны салдарын азайту бойынша жұмыстар жүргізілуде.
Атбасар ауданы әкімдігінің ақпараты бойынша, бүгін ауданда ТЖ жою жөніндегі комиссия құру туралы қаулы және материалдық залалды бағалау және өтеу жөніндегі комиссия құру туралы өкім шығарылды. Су тасқынына қарсы шаралар қабылданғаннан кейін су басқан аумақтардың тұрғындарымен кездесу ұйымдастырылды. Халыққа материалдық залал төлеу тәртібі түсіндірілді. Жұмыс басталған сәттен бастап түскі астан кейін 35 өтініш түсті. Зардап шеккендерге қажетті көмек, соның ішінде уақытша тұру, азық-түлік және медициналық көмек көрсетіледі. Бұдан әрі жергілікті әкімдікте атап өткендей, су тасқыны салдарын жою шаралары жалғасуда. Тәулігіне 16 500 текше метр су сорылып, 1 500 қап инертті материал жиналып, 1 000 қап төселді.
Дереккөз: www.gov.kz
